AYUBU 2:10 - Biblia Ilagho Jiboie Kwa Wandu Wose

¹⁰ Ela Ayubu ukamzera, “Kwaawuyadeda sa muka mkelu. Welee, dadapatagha mecha kufuma kwa Mlungu disepatagha mawiwi?” Kwa agho ghose, Ayubu nderebonyereghe kaung'a kwa Mlungu anduangi.

AYUBU 2:10 Referans Kwoze

JAKOBO 1:12

Mundu urumaghiagha matimo, ucharasimilwa; angu iji wasima ijo itimo, uchapata kirumbu cha irangi, icho Mlungu uwilaghirie awo wose wimkundagha.

WAROMA 12:12

Boilonyi andenyi ya isuwirio jenyu, rumaghienyi wasi, lombenyi Mlungu tulituli.

MATHAYO 16:23

Ela Jesu ukaghaluka ukamzera Petro, “Injika noko, Shetani! Kwaawuyanikuwisha. Maghesho ghako si gha Kimlungu anduangi, ela ni gha kidamu.”

JOHANE 18:11

Jesu ukamzera Petro, “Wunja lufu lwako kiwonyi kwaro. Welee, kuamanya icho kikombe Aba uninekie sichinywagha?”

2 SAMUELI 24:10

Ela Daudi ukatanywa ngolonyi kwake nyuma ya kuwitala wandu. Daudi ukamzera BWANA, “Nabonya kaung'a nandighi kwa wundu ghwa agha nabonya; ela idana ee BWANA, nakulomba kuinje nambai wuwiwi ghwapo ini mdumiki wako, angu nabonya wukelu nandighi.”

ZABURI 39:1

Nereghambieghe, “Nichakulindia nisebonye kaung'a, kwa madedo ghapo; nichanyama kima ngelo rose wawiwi wiko kaavui nani.”

JAKOBO 3:2

Isi diwose dabonyagha makosa mengi; na ikakaia oko mndungi usedimagha kubonya makosa kwa agho ughoragha, uo ni mundu ukatie; udimagha kughumazira mumbi ghose wori.

2 SAMUELI 13:13

Angu niendamaria hao na ughu waya? Na kwako wori kuchawoneka mkelu wa kisha kwa Israeli. Kwa huwo mwanidu, nakulomba kudedanye na mzuri; neko na loli ndechaakuleghia kusenilowuo.”

KUZOYA 3:17

Nao ukamzera Adamu, “Kwa kukaia kwasikira malagho gha mkako, kukaja matunda gha ghuja mudi nerekukanieghe kusakeja, ndoe yawasirwa njowe kwa wundu ghwako, kwa wasi kuchaja mavalo ghake, matuku ghose gha irangi jako.

2 MALAGHO GHA NGELO 16:9

BWANA wadazighana iichia na iichia ndoenyi kose, upate kuwonyera ndighi rake kwa awo wandu wisewadie ikosa jingi kwake. Kwabonya wukelu; kwa huwo kufuma idana ndekuchaatana na wuda.”

MATHAYO 25:2

Wai wasanu werekoghe wakelu, na wasanu werekoghe na akili.

ZABURI 59:12

Kwa wundu ghwa madedo ghawo gha kaung'a, ndewiwado andenyi ya kukukasa kwawo. Kwa wundu ghwa kuewia na iro tee wawuyaghora,

2 SAMUELI 19:28

Angu wandu wose wa nyumba ya aba, weeka sa wandu witanyiro kufwa imbiri ya bwana wapo mzuri; ela sena korenibonyereghe ini mdumiki wako nijeghe mezenyi kwa bwana wapo mzuri. Da ni hachiki niko nayo inibonyagha niwuemlilia mzuri.”

2 SAMUELI 19:22

Ela Daudi ukaghamba, “Neko na ilaghoki nenyo inyo wana wa Seruia? Idime mwawuya wamaiza wapo! Mndungi wadima kubwagha andenyi ya Israeli idime? Ini namanya kukaia ne mzuri wa Israeli.”

MAKATANISHO 9:13

Muka mkelu, wadasongoda-songoda; wachue bea usena waya.

MAKATANISHO 9:6

Sighana na wandu wisewadie kumanya kukaie moyo. Nugha chia ya kumanya.”

AYUBU 1:10

Si iji kumlindirie na nyumba yake na vose uko navo? Oho kwarasimie kazi rake, na mali rake rachurikie isangenyi.

1 SAMUELI 3:18

Niko aho Samueli ukamghoria agho ghose oreghoreloghe ni BWANA, hata nderemvisireghe ilagho jingi anduangi. Nao Eli ukaghamba, “Uo ni BWANA, ndebonye sa iji koni wawona nicha moni.”

AYUBU 2:9

Niko mkake ukamzera, “Kuduagha mloli? Muewie Mlungu kufo.”

ZABURI 39:9

Nichanyama kima nisedede, angu ni oho kubonyere agho.

MCHILI 7:14

Malagho ghikakuendia nicha, kuboilo; kukapatwa ni wasi, kuririkanye. Malagho ghose ghadabonywa ni Mlungu, eri mdamu usemanye agho ghimcheagha.

ZABURI 39:10

Sigha kunikaba; nibwaghwa ni makabo ghako.

KILILO CHA JEREMIA 3:37

Nani wafunya momu maza rikabonyeka isaakaia ni BWANA moni walaghira?