AYUBU 13:4 - Biblia Ilagho Jiboie Kwa Wandu Wose

⁴ Inyo mwaawuyafinikira wukelu ghonyu na tee; inyo mmbose mooka sa warighiti wisefwanagha.

AYUBU 13:4 Referans Kwoze

ZABURI 119:69

Wandu wikukasire wadanighora kwa tee, ela ini nadaghiwadia mafundisho ghako kwa ngolo yapo yose.

JEREMIA 8:22

Wele wughanga ghungi ghohoresha ndeghuko Gileadi? Ndekuwadie mghanga ungi aho? Kwaki sena wandu wapo wiseboagha?

JEREMIA 6:14

Waawuyatima kuboisa chonda cha wandu wapo ighu ighu tu; wikighamba, ‘Sere, sere,’ sena sere ingi iseko.

MARKO 5:26

hata ngera orekoghe ukirighitwa ni waghanga wengi, na kufunya mali rake rose, wukongo ghwake ndeghoreboieghe anduangi, ela ghukachurikia.

MARKO 2:17

Iji Jesu wasikira, ukawizera, “Awa wiko banana ndewikunde mghanga ungi, ela awa wiko wakongo. Serechieghe kuwanga wahachi anduangi, ela wakaung'a.”

HOSEA 5:13

“Nao iji Israeli wawona seji uko mkongo, na Juda kuwona seji washoghonaka, Israeli ukaghenda cha Ashuru kulomba wutesia kwa m'baa wa isanga, ela ndereboisireghe hata kuhoa kushoghonoka kwake.

EZEKIELI 34:4

Ndemteserie iro risewadie ndighi, na iro riko wakongo ndemriboisire; ndemrifungie iro richikie, iro rilaghirilo ni chia ndemuriwunjire, na iro rilagharie ndemurilolie; ela mwadaribonyera nguma kwa ndighi na kwa lubio.

JEREMIA 46:11

Inyo wandu wa Misri jokenyi cha Gileadi, mpate wughanga ghwa mavuda; mwatumie maghanga mengi duu, ghisedimagha kum'boisa.

JEREMIA 30:13

Ndekuwadie mndungi otesia maza renyu, na wughanga ghwa chonda chenyu ndeghuko, ndeidimikagha m'boo.

JEREMIA 23:32

Olenyi sikwanye na awo walodi wighoragha tee kwa ndodo rawo, wighoragha na kuwilaghasha wandu wapo kwa tee rawo ra duu, ingelo nisewidumie, hata kuwilaghira; nawo ndewichaawifwana wandu awa hata kutini,” waghamba BWANA.

AYUBU 16:2

“Nasikire malagho mengi sa agho; wuhoreshi ghonyu ni matiriro maduu.

AYUBU 6:21

Nenyo mooka sa iyo meda kwapo; mwawona wasi ghwapo, nenyo mwaobua.

KUFUMA 20:16

“Kusakemzighiria mmbenyu kwa tee.

NEHEMIA 6:8

Niko ngamuandikira na kumzera, “Ndejiko ilagho jingi jibonyekie sa ijo; agho malagho koodunga kumoni na chongo chako.”

AYUBU 6:15

Ela inyo waghenyi wapo mwaawuyanikalia, sa meda iomagha ngelo vua iseko. Na sa kusalama kwa machi gheida,

AYUBU 6:20

Werekoghe wikighisuwiria, ela wiendavika aho wikafwa ngolo.

AYUBU 27:12

Nechi mwamerie kuriwona maza iri mmbose; kwaki sena mduagha mkideda malagho gha duu?