AYUBU 1:6 - Biblia Ilagho Jiboie Kwa Wandu Wose

⁶ Nao ituku jimu, weke malaika wikacha kukuwonyera weni imbiri ya BWANA, na Shetani wori ukacha aghadi kwawo.

AYUBU 1:6 Referans Kwoze

AYUBU 2:1

Ituku jimu weke malaika wikacha sena kukuwonyera weni imbiri ya BWANA, na Shetani wori ukachanya nawo.

AYUBU 38:7

Ngelo iyo, nyerinyeri ra nakesho rereborieghe chiaimweri, na weke malaika wose wikazuma kwa kuboilwa.

ZEKARIA 3:1

BWANA ukaniwonyera Mkohani M'baa Joshua ukikaia kimusi imbiri ya malaika wa BWANA, na Shetani uko kimusi chia ya mkonu ghwake ghwa kiwomi upate kumshitakia.

1 WAZURI 22:19

Mikaia ukaghamba, “Idana sikira ilagho ja BWANA: Neremmbonieghe BWANA wasea kidombo aighu ya kifumbi chake cha nguma; na majeshi ghose gha mlungunyi ghikakaia kimusi kummaria mbai mbai chia rose.

1 MALAGHO GHA NGELO 21:1

Nao Shetani ukawuka ukunde kulwa na Israeli, ukamngira Daudi ngolo ewitala wandu wa Israeli.

KUZOYA 6:4

Kufuma ngelo ija na konyuma, Wanefilimu werekoghe wikilowua wai wa wadamu, na kuva wana. Awo niwo wandu werekoghe mang'oni wikumikie matuku ghaja.

JOHANE 6:70

Jesu ukawitumbulia, “Welee, si ini moni neremsaghueghe inyo ikumi na wawi? Ela sena umu onyu ni Mmbiwi!”

MATHAYO 18:10

“Mkulindie msemmenye ungi wa awa watini; angu namghoria, weke malaika wawo aho mlungunyi ngelo rose wadaghuzighana wushu ghwa Aba uko mlungunyi. [

LUKA 3:38

uo orekoghe mwana wa Enoshi, mwana wa Sethi, mwana wa Adamu; uo orekoghe mwana wa Mlungu.

ZABURI 103:20

Mkasenyi BWANA inyo weke malaika wake mmbwadie ndighi, msikiragha malagho ghake, na kuwada agho ughoragha.

KUZOYA 6:2

wana wa Mlungu wikawiwona awo wai wa wadamu kukaia wighokie, nawo wikakusaghuya wai welowua sa iji koni werekundieghe.

DANIELI 3:25

Nao ukawizera, “Ela naawuyawona wandu bana wifungulo, nawo waawuyasela andenyi ya modo wisewonagha ilagho jingi! Na fwana ya uo mundu wa kana ooka sa awo wana wa milungu.”

LUKA 22:31

“Simoni, Simoni! Ola Shetani wawusa rusa emtima inyo, na kumuela-ela sa iji ngano ielwagha.

2 MALAGHO GHA NGELO 18:20

Niko pepo imu ikasoghoda na kukaia kimusi imbiri ya BWANA ikighamba ‘Nichamkalia.’ BWANA ukaikotia ‘Kwa chiaki?’

AYUBU 2:3

BWANA ukamkotia Shetani, “Welee, kwammbonie mdumiki wapo Ayubu? Ndekuwadie mndungi ndoenyi uko mloli na mucha sa uo. Wadanitasa na kukulindia usebonye ilagho jingi iwiwi. Kwanishingirie nikusighe kumkabe duu, ela Ayubu waduagha mloli.”