AMOSI 8:5 - Biblia Ilagho Jiboie Kwa Wandu Wose

⁵ Mwaghamba, “Ituku ibaa ja Mori lukombe jisiali, diwoneuza viro? Sabato isiali, diwonefunya ngano diuze; dighaluse vipimo na kukalia wandu kwa kutumia vipimo va tee.

AMOSI 8:5 Referans Kwoze

HOSEA 12:7

BWANA waghamba, “Wandu wa Israeli weesowa wuloli sa Wakanaani; weekunda kukalia wandu wawo na vipimo va tee.

WALAWI 19:36

Mtumie vipimo va wulacha, na va wulemeri, na vipimo kwa hachi; Ini ne BWANA Mlungu onyu orekufunyireghe isanga ja Misri.

ISAYA 1:13

Mseche kufunya vizongona va duu sena, marumba kwapo ini ni wuchafu. Kutasa kwa Ndima ra Mori Lukombe, na Sabato, na kuwanga makwanyiko. Sidimagha kurumaghia mawiwi ghenyu, na makwanyiko ghenyu ghetasa.

MAKATANISHO 20:23

BWANA wadazamilwa ni wandu witumiagha vipimo va tee, na ratili ra tee, nderim'boiagha.

MAKATANISHO 16:11

BWANA wadakunda ratili rose na vipimo varo vikaie va loli, na icho chose chiuzwagha chikaie cha hachi.

MAKATANISHO 11:1

BWANA wadazamilwa ni wandu witumiagha ratili ra tee; ela wadaboilwa ni wandu witumiagha vipimo va loli.

2 WAZURI 4:23

Mumi ukamzera, “Kwaki kughendagha kwake idime, na si ituku jingi ibaa ja Ndima ya Mori Lukombe, hata si ituku jingi ja Sabato?” Ukatumbulia, “Si ilagho jingi.”

MITALO 10:10

Wokoni matuku gha kuboilwa konyu, na gha ndima renyu riwikilo, na gha kuzoya kwa meri, mkakafunya vizongona venyu vekora, na vizongona venyu va mapatano, mkabe tarumbeta; ripate kum'bonya mkumbuko imbiri yapo ini Mlungu. Ini ne BWANA Mlungu onyu.”

ISAYA 58:13

BWANA waghamba, “Kukalindia mighendo yako kuseinonagha Sabato, na kukulindia kusenughe bea rako kwa ituku japo jielie, na kujiwanga ijo ituku ja Sabato jiboie ja wueli, na ituku ja BWANA ja ishima; kukajineka ishima na kulegha ghenda charo, kusebonyagha kazi angu kuja malagho gha duu,

WAKOLOSAI 2:16

Kwa huwu mndungi usakemtanya kwa maza ra vindo, angu kunywa, angu kwa wundu ghwa karamu ringi, angu matuku gha Mori Lukombe, angu Sabato.

MALAKI 1:13

Mwawuyaghamba, ‘Dasirishwa ndighi ni agho malagho.’ Nenyo mwanimenya, na kureda nyamandu riiwilo, na iro rikelemere, na iro riko wakongo, rikaie vizongona kwapo! Welee, muaghesha nadima kuvirumiria vizongona vifwane huwo kufuma konyu?

KUFUMA 31:13

“Kuwizere wandu wa Israeli, ‘Muiwadie Sabato, ijo ituku japo jehora, angu ni alama ewonyera aghadi yapo na inyo, vivalwa venyu vose, mpate kumanya angu ni ini BWANA nimueleshagha inyo.

1 SAMUELI 20:5

Daudi ukamzera Jonathani “Ola kesho ni ituku ibaa ja Mori Lukombe; na ini siko osoweka vindonyi chiaimweri na mzuri, ela sigha niendekuvisa isakenyi, hata ituku ja kadadu luma lwa kenyi.

ZEKARIA 5:6

Nani ngakotia, “Niki chija?” Ukaghamba, “Ni kikapu chiwonyeragha kaung'a iko isangenyi jose.”

ZEKARIA 5:8

Malaika ukaghamba, “Muka uhu wakaia fwana ya wuwiwi.” Nao ukamchandiria nokondonyi cha kikapunyi, na kufinikira kifuniko.

HOSEA 12:8

Wadaghamba, ‘Aa, dameria kuwuya wazuri wa mali, damerie kukupatira wuzuri; ndekuwadie mndungi udimagha kudishitakia wei deepata mali kuseko na hachi.’