AMOSI 8:3 - Biblia Ilagho Jiboie Kwa Wandu Wose

³ Ituku jija chumbo ra ngomenyi richawuya kililo; gharia ra wandu richakaia nyingi, naro richadeghwa cha shighadi kima kula andu.”

AMOSI 8:3 Referans Kwoze

AMOSI 5:23

Sighenyi kunibara madu na chumbo renyu, sikunde kusikiria chwaka ra vinubi venyu.

AMOSI 5:16

Kwa huwo BWANA, uo Mlungu Uwadie-Ndighi-Rose waghamba huwu: “Kuchakaia na kililo achienyi mbaa, na andu kose chienyi wandu wichakaia wikighamba, Weei ngai, Weei ngai! Wichawiwanga walimi wiche ifonyi; na kuwilipa awo wiko mafundi ghelila wichelila;

WALAWI 10:3

Nao Musa ukamzera Haruni, “Huwu niko BWANA oreghoragha, ‘Nichakuwonyera ini moni kukaia mweli kwa kula mundu unisoghoderagha, nani nichanekwa wubaa imbiri ya wandu wose.’” Haruni ukanyama kima chake.

NAHUMU 3:3

Wajoki farasi wiarijoka; chufu riakaaka na mafumu kung'alishwa; majeshi ghabwaghwa! Kitungu cha gharia na mimbi ifue isene mtalo; wandu wiakuwarwa ni mimbi ifue.

AMOSI 8:10

Nicharighalua ndima renyu riwue kililo chefuilwa, na chumbo renyu riwue ra wasi; nicham'bonya muro nguwo ra magunia, na kuara vongo venyu. Ituku ijo nichajibonya jikaie sa ifwa jelilia mwana wa womi wa ititi, na kutua kwa ituku jaro kuchakaia kwa wasi m'baa.

AMOSI 4:10

“Neredumieghe saka izamie aghadi konyu, sa ija nereidumieghe Misri, ngawibwagha wandu wenyu wa irika wudenyi, ngawusa farasi renyu, ngam'bonya mnukilo ni gharia renyu kambinyi. Nenyo hata huwo saki, ndemorenighalukieghe.

JOELI 1:13

Ronyi nguwo ra magunia mlile ee Wakohani; inyo mdumikagha madhabahunyi, lilenyi ahoeni. Choonyi mlale mrwae nguwo ra magunia inyo mdumikagha imbiri ya Mlungu wapo! Kwa kukaia mafunyo gha viro na gha kunywa, ghasoweka Hekalunyi kwa Mlungu onyu.

JOELI 1:11

Fonyi waya inyo walimi, kemenyi inyo mlimagha mbuwa ra mizabibu; kwa kukaia ngano na shairi, na miwalwa yose yameria kunonwa.

JOELI 1:5

Wukenyi mlile inyo wawongeri; kemenyi inyo mnywagha divei; zabibu reboisa divei mbishi ranonwa putu.

JEREMIA 22:18

Kwa huwo BWANA waghamba huwu aighu ya Jehoiakimu mwana wa Josia, mzuri wa Juda, “Ndewichaamlilia wikighamba, ‘Ai, o mwanidu wa womi!’ angu ‘Ai, o mwanidu wa waka!’ Ndewichaamlilia wikighamba, ‘Ai o bwana odu!’ angu ‘Ai o mzuri odu!’

ISAYA 37:36

Nao malaika wa BWANA ukaghenda kambinyi ya Waashuru, na kuwibwagha wandu elfu ighana na mirongo wunyanya na wasanu. Hata iji wandu werewukieghe nakesho, wikakua awo wandu wose wifue.

ZABURI 39:9

Nichanyama kima nisedede, angu ni oho kubonyere agho.

KILILO CHA JEREMIA 2:10

Waghosi wa Jerusalemu wasea kidombo kwawo, na kurwa nguro ra magunia kwa wasi. Wai waghoghomesha vongo vawo andonyi.

AMOSI 6:4

Ni bugha konyu inyo mkuhoreshagha aighu ya mawuli gha mbembe ra chovu, na kukughorua aighu ya makochi, mkija nyama ra ng'ondi kufuma chaghenyi, na nyama ra ngache kufuma boronyi;

AMOSI 6:5

inyo m'boragha chumbo mkitumia vinubi, na kukubonyera vombo vebora sa Daudi.

AMOSI 6:8

Bwana MLUNGU waghema kwa uo moni, ukighamba, “Nazamilwa ni uko kukujosa kwa wandu wa Israeli na iro ngome rawo; nani nichaghufunya muzi ghwawo na vose viko andenyi yaro kwa wamaiza.”

ZEFANIA 1:7

Ituku ja BWANA jetanya jameria kuvika. Kwa huwo nyamenyi kima. BWANA waboisire kizongona, na kuwiwika waghenyi wake tayari.