AMOSI 8:2 - Biblia Ilagho Jiboie Kwa Wandu Wose

² Nao ukaghamba, “Kwawuyawona kii Amosi?” Nani ngatumbulia, “Naawuyawona kikapu cha matunda ghiwurue.” Niko BWANA ukanizera, “Kutua kwa wandu wapo Israeli kwameria kuvika; sichaawilekia sena anduangi.

AMOSI 8:2 Referans Kwoze

AMOSI 7:8

Nao BWANA ukanizera, “Kwawuyawona kii Amosi?” Ngamtumbulia, “Naawuyawona kabiro.” Niko BWANA ukaghamba, “Ola naawuyatumia kabiro kuwonyera kukaia aghadi ya wandu wapo Israeli weekomeka sa wurigha, sichaawisigha nisewikabie anduangi.

KILILO CHA JEREMIA 4:18

Dikachuria kuweseria wutesia kufuma kwa mbari iserekoghe na wutesia ghungi, ndederedimieghe kufuma hata chienyi koni. Matuku ghedu ghedesia; kutua korekoghe kwavika.

MIKA 7:1

Ni duu tu; ini neeka sa mundu uko njala; usewonagha itunda jingi jasigharika mudinyi, angu zabibu ingi yasigharika mzabibunyi. Zabibu rose na tini risingie rawalwa putu.

ZEKARIA 5:2

Malaika ukanikotia ngera niki nawuyawona. Ngamtumbulia, “Naawuyawona chuo chiburukagha; wulacha ghwaro meta ikenda na wushapa ghwaro meta inya na nusu.”

EZEKIELI 12:23

Kwa huwo kuwizere, ‘Ini Bwana MLUNGU naghamba huwu, Iji ikatanisho nichajiinja jisetumilo sena sa ikatanisho andenyi ya Israeli.’ Ela kuwizere, Matuku ghekatisha mawono ghose ghameria kuvika.

EZEKIELI 8:17

BWANA ukanizera, “Mwana wa mdamu, kwawona agha? Wandu wa Juda ndewiwuekatwa ni wuchafu wawuyaghubonya aha, wachuria wuwiwi ghobonya wuda isangenyi, na kuchuria kunibonya nijoko ni machu. Wona sena wiangira lumbashu mbuonyi kwawo.

EZEKIELI 8:12

Niko Mlungu ukanizera, “Mwana wa mdamu, kwawona seji awaghosi wa wandu wa Israeli wawuyabonya akirenyi? Kula umu wawo waawuyatasa mlimu ghwake achumbenyi ukighamba, ‘BWANA ndewuediwona, BWANA wamerie kusigha iji isanga.’”

EZEKIELI 8:6

Mlungu ukanizera, “Mwana wa mdamu, kwawona seji wibonyagha? Wandu wa Israeli wawuyabonya wuchafu m'baa ghonifunya na kuniwika kula na Andu Kwapo kwa Wueli. Ela kuchawona wuchafu m'baa kuchumba ugho.”

EZEKIELI 7:6

Ola kutua kwameria kuvika, kwameria kuvika nako kukuredia wasi.

EZEKIELI 3:10

Ukachuria kunizera, “Mwana wa mdamu, malagho nikuzeragha kughisikire na kughingira ngolonyi kwako;

EZEKIELI 3:7

Ela wandu wa Israeli ndewichaakusikira, angu wisekunde kunisikira, kwa kukaia wandu wa Israeli ni wandu wikurilo ni vongo, wighilikie.

JEREMIA 40:10

Ini nichakaia Mispa kwa wundu ghonyu imbiri ya Wababuloni wichaadichea. Ela inyo tumbanyenyi divei na matunda gha sumesu na mavuda, muviwike vombonyi konyu, mkaie mizinyi konyu iyo mwaiwusa.”

JEREMIA 5:31

Walodi wawuyaloda tee, na wakohani waawuyabonya nguma kwa wulongozi ghwa awo walodi; wandu wapo nawo weekunda maza rikaie woruwo, ela, mchabonya wada ngelo ra kutua?”

ISAYA 28:4

na ugho wubaa ghwa vilongozi wikukasire, ghuchaida sa itunda ja imbiri ja mtini jawurwa imbiri ya sumesu, na mundu ukajiwona wadajija shwa wori nyuma ya kujiwaya.

EZEKIELI 29:8

Kwa huwo ini Bwana MLUNGU naghamba huwu, Ola nichareda wandu wikubwaghe kwa lufu, nawo wichabwagha mdamu na nyamandu;

KUZOYA 6:13

Nao Mlungu ukamzera Nuhu, “Nachawona niwimeria wadamu wose, kwa kukaia wurumwengu ghose ghwachulwa ni wuwiwi ghwawo, nani nichawitoteshanya na ugho wurumwengu.

AMOSI 8:1

Bwana MLUNGU ukaniwonyera mawono ghamu: ngawona andenyi yaro kikapu cha matunda ghiwurue.

HOSEA 9:7

Ngelo ekabwa yameria kuvika, agho matuku gha wandu kulipwa agho ghiwifwanagha. Matuku agho ghikacha, Israeli ichaghimanya. Inyo mwaawuyaghamba, “Uhu mlodi ni mkelu; umundu uchulo ni Roho ooka na isu.” Inyo mwaawuyazamilwa ni ini angu kaung'a renyu riko nyingi.