AMOSI 7:8 - Biblia Ilagho Jiboie Kwa Wandu Wose

⁸ Nao BWANA ukanizera, “Kwawuyawona kii Amosi?” Ngamtumbulia, “Naawuyawona kabiro.” Niko BWANA ukaghamba, “Ola naawuyatumia kabiro kuwonyera kukaia aghadi ya wandu wapo Israeli weekomeka sa wurigha, sichaawisigha nisewikabie anduangi.

AMOSI 7:8 Referans Kwoze

AMOSI 8:2

Nao ukaghamba, “Kwawuyawona kii Amosi?” Nani ngatumbulia, “Naawuyawona kikapu cha matunda ghiwurue.” Niko BWANA ukanizera, “Kutua kwa wandu wapo Israeli kwameria kuvika; sichaawilekia sena anduangi.

KILILO CHA JEREMIA 2:8

BWANA odewona mawurigha gha Jerusalemu ghigho. Waghipimie na kuhakikisha kukaia ghanoneka putu. Idana minara na mawurigha ghose gheewuya maghacho.

JEREMIA 15:6

Oho kwanileghie, na oho kwachurie kuwuya nyuma; niko ngaghughorua mkonu ghwapo kukukaba na kukutotesha; nasilwa ni ndighi rekurumaghia.

MIKA 7:18

Ndekuwadie mlungu ungi uko sa oho BWANA; oho kwadafuya wandu wako wughoma kwa kaung'a rawo, awo wisigharikie. Ndekuwikagha machu kwa kala na kala, ela kwadaboilwa ni kudiwonyera lukundo lwako lukatie.

ISAYA 28:17

Nichaibonya loli kukaia kamba epimia na hachi ikaie timazi. Vua ya magho ichainja iyo tee mwawuyaisuwiria, na machi ghichadwa agho mwawuyaghisuwiria.”

2 WAZURI 21:13

Nichaikaba Jerusalemu sa iji koni nereikabieghe Samaria, na kivalwa cha Ahabu; nani nichainja wandu wa Jerusalemu seji mundu upangusagha sahani, na kuipurughusa.

ZEKARIA 5:2

Malaika ukanikotia ngera niki nawuyawona. Ngamtumbulia, “Naawuyawona chuo chiburukagha; wulacha ghwaro meta ikenda na wushapa ghwaro meta inya na nusu.”

ISAYA 34:11

Isanga ijo jichakailwa ni mbungu na sasa; jichakailwa ni mikango na ngorusa. Mlungu uchawikambira chongo, na wabaa wawo ndewichaasikirana.

AMOSI 7:7

Ngawona mawono ghamu kufuma kwa BWANA, Bwana wakaia kimusi mbai na mbai ya wurigha ghuaghilo kwa kupimwa na kabiro iyo oreiwadieghe.

ZEKARIA 4:10

Wandu wichafwa ngolo kwa kuwona kazi ya iaghi ikighenda mboa-mboa. Ela wichammbona Zerubabeli ukiiagha Hekalu, nawo wichaboilwa.” Malaika ukanizera, “Iro taa mfungade, ni meso mfungade gha BWANA ghizighanagha ndoenyi kose.”

HOSEA 1:6

Nao Gomeri ukapata kifu sena, ukava mwana wa waka. BWANA ukamzera Hosea, “Mmbange ‘Usekundo,’ angu sichaakaia na lukundo kwa wandu wa Israeli wei niwifuye wughoma.

ZEKARIA 4:2

Ukanikotia, “Kwawuyawona kii?” Ngatumbulia, “Naawuyawona kinara cha taa cha dhahabu, na bakuli ya mavuda yawikirilwa aighu. Aighu yaro korekoghe na taa mfungade, riko na andu kongiria wutambi kula imu.