AMOSI 6:6 - Biblia Ilagho Jiboie Kwa Wandu Wose

⁶ Mnywagha divei na bakuli, na kukushinga mavuda gha marumba mecha, ela msetalagha kunoneka kwa Israeli.

AMOSI 6:6 Referans Kwoze

KUZOYA 49:22

“Josefu ni sa longe luvagha, longe luvagha kaavui na ndoria, mbashu rake ralanda aighu kighemunyi.

1 TIMOTHEO 5:23

Kufuma idana kusenyoghe machi gheni ghiekeri, ela kutumieghe divei ndini kwa wundu ghwa kifu chako, na kwa wundu ghwa agho makongo ghilalaakuwada shwa kwa shwa.

1 WAKORINTHO 12:26

Ngera kia chimu chawawa, via vose viwawo chia imweri; ngera kia chimu chakumwa, via vose viboilo chia imweri.

WAROMA 12:15

Boilonyi andwamweri na awo wiboilwagha, lilenyi andwamweri na awo wililagha.

JOHANE 12:3

Nao Maria ukawada chupa ya marumba gha nardo nusu lita, nagho ni gha zoghori ya ighu na ndighi; ukamdiria Jesu maghu ghake, na kumuaghia kwa iridia jake. Nyumba yose ikanuka marumba mecha.

AMOSI 2:8

Wadalalia nguwo riwikilo wufunga ghwa sile rawo mbai na mbai ya kula madhahabu, na kunywa divei ya wandu wilipishiro faini andenyi ya Hekalu ya Mlungu wawo.

HOSEA 3:1

BWANA ukanizera, “Ghenda sena kuwonyera lukundo kwa uo muka wawuyabonya wulaki na mkundwa wake. Suti kumkunde sa iji koni ini niwikunde wandu wa Israeli, hata ngera waghalukie na kuitasa milungu mizima, na kukunda kufunya mikate ya zabibu riomie rikaie vizongona kwa milimu.”

EZEKIELI 9:4

BWANA ukamzera, “Ghenda mzinyi kose, aghadi ya Jerusalemu, kuwibonye alama chamunyi wandu wiko na wasi na kulilia ughu muzi kwa wundu ghwa wuchafu ghose ghwawuyabonywa andenyi yaro.”

JEREMIA 30:7

Ai, e ituku ja mashiniko, jisefwanane na ituku jingi; ni ngelo ya wasi kwa kivalwa cha Jakobo, elaima ugho wasi ghuchamredia kukia.”

ESTA 3:15

Kwa nguma ya mzuri, itangazo iji jerefunyiroghe kwa wandu wose, andenyi ya muzi m'baa ghwa Susa, na watarashi wikajimarisha isangenyi kose kwa shwa-shwa. Mzuri na Hamani wikasea kidombo kunywa, ela wandu wa muzi m'baa ghwa Susa, wikakambwa ni chongo.

2 WAZURI 15:29

Matuku gha Peka mzuri wa Israeli, Tiglathi-pileseri mzuri wa Ashuru, ukacha na kuikaba mizi ya Ijoni, Abel-beth-maaka, Janoa, Kedeshi, Hazori, Gileadi, na Galilaya, isanga jose ja Naftali; ukadwa wandu wunyika hata Ashuru.

ISAYA 5:12

Andenyi ya karamu rawo wawika vinubi, zeze, kayamba, pung'a, na chofi; nawo ndewitalagha mabonyo gha BWANA, hata kazi ra mikonu yake.

AMOSI 4:1

Sikirenyi agha inyo waka wa Samaria, m'bandie sa ng'ombe ra Bashani rilishwagha aighu ya mighondi ya Samaria; mkorongagha wakiwa, na kuwitirira awo wisowagha na kuwizera womi wenyu, “Redenyi chofi dinyo.”

ISAYA 28:1

Ni bugha kwa wuzuri ghukukasire ghwa Israeli! Wubaa ghwaro ghwaawuyaida sa kirumbu cha mboi chiko vongonyi kwa vilongozi viwongiagha. Wakukasa kwa kukushinga marumba vongonyi kwawo, ela waawuyabwaghwa ni chofi.