AMOSI 6:5 - Biblia Ilagho Jiboie Kwa Wandu Wose

⁵ inyo m'boragha chumbo mkitumia vinubi, na kukubonyera vombo vebora sa Daudi.

AMOSI 6:5 Referans Kwoze

ISAYA 5:12

Andenyi ya karamu rawo wawika vinubi, zeze, kayamba, pung'a, na chofi; nawo ndewitalagha mabonyo gha BWANA, hata kazi ra mikonu yake.

AMOSI 5:23

Sighenyi kunibara madu na chumbo renyu, sikunde kusikiria chwaka ra vinubi venyu.

AMOSI 8:3

Ituku jija chumbo ra ngomenyi richawuya kililo; gharia ra wandu richakaia nyingi, naro richadeghwa cha shighadi kima kula andu.”

WUFUNUO 18:22

Na chwaka ra wandu wikabagha ngoma, firimbi na awo wikabagha tarumbeta, nderichaasikirika andenyi kwako; na mafundi gha wufundi ugho ghose ndeghichaawoneka andenyi kwako, hata lwaka lwa igho jesha, ndeluchaasikirika andenyi kwako,

1 PETRO 4:3

Iyo ngelo iidie yakata ebonya seji awo wandu wa mbari zima wikundagha kubonya, wikighenda na irangi ja kulaka, bea rizamie, kuwongia, kubonya maseko, lwafuo, na kutasa milimu kuzamie na ndighi.

MCHILI 2:8

Nerekutumbanyireghe feza na dhahabu nyingi kufuma kwa bengi ra kiwuzuri ra masanga nereghibonyeragha nguma. Nerewikieghe wabori wa womi na wa waka, na waka wekanya wengi, seji mndwawomi udimagha kukunda.

1 MALAGHO GHA NGELO 23:5

elfu inya wichakaia walindiri wa mbenge, na elfu inya wichakaia wikim'boriagha BWANA na vombo vekasa nivibonyere.”

1 MALAGHO GHA NGELO 15:16

Wokoni Daudi ukawilaghira wabaa wa Walawi wiwike wakwawo webora na kukaba vombo va muziki kwa ndighi; vinubi, zeze, banjo na kufunya lwaka lwa kuboilwa.

KUZOYA 31:27

Kwaki korekimbiagha kwa kiviso, kukanikalia kusenighorie; kumangu sikufumire kwa maseko na chumbo, na ngoma na zeze?

EZEKIELI 26:13

Nichanyamira kubora konyu, na chwaka ra vinubi nderichaasikirika sena anduangi.

2 MALAGHO GHA NGELO 29:26

Walawi wikakaia kimusi na vilambo vebora va Daudi, na wakohani wikakaia na tarumbeta.