AMOSI 6:11 - Biblia Ilagho Jiboie Kwa Wandu Wose

¹¹ BWANA ukafunya momu, nyumba mbaa na ndini richachikanywa vipande vipande.

AMOSI 6:11 Referans Kwoze

AMOSI 3:15

Nicharichikanya nyumba ra sumesu na ra kwari. Na iro nyumba ripambilo na mbembe ra chovu nicharitotesha na iro nyumba mbaa richanonwa putu,” waghamba BWANA.

ISAYA 55:11

niko koni na ilagho jifumagha momunyi kwapo, ndejichaaniwuria iduu, ela jichakatisha agho makusudi ghapo gha kujiduma, najo jichawona nicha kwa kula ilagho nerejidumieghe.

2 WAZURI 25:9

Ukaikora Hekalu na ngome ya mzuri, na nyumba rose ra wabaa rerekoghe andenyi ya muzi ghwa Jerusalemu.

LUKA 19:44

Nawo wichakutotesha putu, andwamweri na wana wako wiko andenyi ya wurigha ghwako; ndewichaasighara igho hata jimweri jiseinjiro andu kwaro, kwa kukaia ndekoremanyireghe ngelo Mlungu orechieghe kukukira anduangi.”

ZEKARIA 14:2

BWANA uchareda mbari zima rose chiaimweri riwade Jerusalemu. Muzi ghuchawadwa, nyumba richabarwa, na waka wichadidikwa. Nusu ya wandu wichabarishwa, ela awa wichaasigharika ndewichaainjwa mzinyi anduangi.

NAHUMU 1:14

BWANA wafunya itangazo huwu aighu yako ee Ashuru, “Ndekuchaakaia na kivalwa chewika irina jako. Nichainona milimu iko andenyi ya hekalu yako. Nichakubonyera kaburi angu isefwane kukaie moyo.”

AMOSI 9:9

“Nichafunya momu na kuwisughusa wandu wa Israeli aghadi ya iro mbari ra wandu seji wandu wichekechagha ngano na kichekecho. Nichawichekecha na kuinja wose wisefwanagha.

AMOSI 9:1

Neremmbonieghe BWANA wakaia kimusi mbai na mbai ya madhabahu ukighamba, “Kaba koighu nguronyi ra Hekalu hata vizingiti visughusikie; kuvichikanye-chikanye aighu ya chongo cha kula mundu; mndungi ukasigharika, nicham'bwagha wudenyi. Ndekuwadie ungi uchaakimbia angu kufufunuka.

AMOSI 6:8

Bwana MLUNGU waghema kwa uo moni, ukighamba, “Nazamilwa ni uko kukujosa kwa wandu wa Israeli na iro ngome rawo; nani nichaghufunya muzi ghwawo na vose viko andenyi yaro kwa wamaiza.”

HOSEA 13:16

Suti Samaria ikabo kwa wundu ghonilegha. Wandu wake wichafwa wudenyi; wana wawo wichabarilwa ndonyi, na waka wawo wiko na vifu wicharashulwa.”

ISAYA 13:3

BWANA moni wawilaghira masikari ghake uwiwikie na kuwirumiria, awo wandu wake wiko na ndighi, wipate kuwikaba awo wandu uko na machu nawo.

MCHILI 10:18

Mundu ukakaia mghadi, nyumba yake yadaanya na kuchika.

ZABURI 105:34

Ukafunya momu, zighe rikacha, na wana wa zighe wisena mtalo;

ZABURI 105:31

Ukafunya momu, izungu ja izi na sawa rikacha isangenyi jawo jose.

ZABURI 105:16

BWANA ukareda njala isangenyi kwawo; ikameria vindo vose.

AMOSI 5:11

Mwawikorongie wakiwa kwa kuwisoka viro vawo. Kwa huwo ndemchaarikaia iro nyumba ra magho muriaghie, hata kunywa divei iboie ifumagha kwa iyo mizabibu iboie muiwae.

MALAKI 1:4

Iji Waedomu waghamba, “Hata ngera mizi yedu yavuchulwa, ela dichaagha sena maghacho gharo,” BWANA Uwadie-Ndighi-Rose uchawitumbulia, “Ndewiaghe tu. Nichaichikanya hata wiwango, ‘Isanga ja wuwiwi na wandu wileghelo ni Mlungu kwa kala na kala.’”