AMOSI 5:8 - Biblia Ilagho Jiboie Kwa Wandu Wose

⁸ BWANA wabonyere nyerinyeri, Piadisi na Orioni, na kughalusa kira chiwuye mwengere, na mwengere ghuwuye kira. Uwangagha machi gha baharinyi, na kughidia andoenyi, irina jake ni BWANA.

AMOSI 5:8 Referans Kwoze

AMOSI 4:13

BWANA nuo orebonyereghe mighondi. Nuo ubonyere mbeo iweteghe, na kumghoria mdamu maghesho ghake; nuo ughalusagha dime iwuye kio. Wadasela aighu ya mighondi ya ndoenyi. Irina jake ni BWANA, uo Mlungu Uwadie-Ndighi-Rose.

AYUBU 9:9

Mlungu nuo orebonyereghe nyerinyeri kibarabara, na Orioni, na Kilimia, na nyerinyeri ra kusinyi,

AMOSI 9:6

BWANA wadaagha muzi ghwake mlungunyi, na kuwika mawingu naighu ya ndoenyi. Wadawanga machi gha baharinyi na kughidia aighu ndoenyi. Irina jake ni BWANA.

AMOSI 8:9

Ngelo ichacha, nani nichabonya iruwa jineng'ene dime ghadi, na kubonya ndoe isere kira nadime.

ZABURI 104:20

Kwadabonya kira, na nyamandu rose ra isakenyi radafuma nakio.

ZABURI 105:28

Mlungu ukasera kira isangenyi, ela Wamisri ndeweremsikireghe anduangi.

AYUBU 12:22

Wadafunukua maza rivisiro, na kuriwika mwengerenyi.

LUKA 1:79

kuwilangalishira awo wiko kidombo kirenyi, na andenyi ya kiju cha kifwa; na kulongoza mighendo edu kwa chia ya sere.”

MATHAYO 4:16

Wandu awo werekoghe kirenyi, waghuwona mwengere m'baa. Na kwa awo werekoghe isangenyi na kiju cha kifwa, mwengere ghwalangala kwawo.”

ISAYA 59:10

Dawuyaadada wurigha sa vitungure, na sa wandu wisewadie meso. Diakuwa na dime ghadi seji daawuyaghenda nakio, nesi dawoneka sa wafu aghadi ya wandu wiwadie ndighi.

ISAYA 42:16

“Nani nichawilongoza vitungure kwa chia wiseiichi, nichawighenja kwa chia wisererimanyireghe. Nichachighalusa kira chiwue mwengere imbiri kwawo, na chia rizamie nicharighokesha. Agho nigho malagho nichaaghibonya, hata sichaakaia niseghikatishire anduangi.

AYUBU 38:34

“Kwadima kughilaghira mawingu ghikunyeshere vua?

AYUBU 37:13

Mlungu wadanyesha vua kuinyoshera ndoe; wadima kuinyesha kwa kukaba wandu, angu kwa kuwonyera lukundo lwake.

JEREMIA 16:21

Kwa huwo, BWANA waghamba, “Olenyi nichawibonya wimanye; nichawibonya wimanye ndighi rapo na kudima kwapo, nawo wichamanya kukaia irina japo ini ni BWANA.”

JEREMIA 33:2

BWANA uo uumbie ndoenyi na kuimangisha, irina jake uwangwaghwa BWANA, waghamba,