AMOSI 5:4 - Biblia Ilagho Jiboie Kwa Wandu Wose

⁴ BWANA Mlungu wawizera wandu wa Israeli huwu: “Nilolenyi mpate kukaia moyo.

AMOSI 5:4 Referans Kwoze

2 MALAGHO GHA NGELO 15:2

ukafuma kummara Asa, ukamzera, “Nisikire Asa, na wandu wose wa Juda na wa Benjamini: BWANA okwanye nenyo ingelo mkwanye nao. Mkamlola, mchammbona; ela mkamsigha, nao moni uchamsigha.

ZEFANIA 2:3

Mghalukienyi BWANA inyo mmbose wandu wa isanga mkuserie, inyo m'bonyagha agho umlaghiragha. Bonyenyi ijo jiko ja hachi, mkusere mmbeni; kewada mwadima kufuilwa wughoma ijo ituku ja lubio lwa BWANA.

ZABURI 14:2

BWANA wadawizighana wadamu kufuma mlungunyi, uwone ngera oko mndungi uko na hikima, umlolagha Mlungu.

ISAYA 55:3

“Deghenyi madu ghenyu munichee, sikirenyi, mpate kukaia moyo; nani nichabonya ilaghano ja kala na kala andwamweri nenyo, kwa wundu ghwa lukundo lwapo lwa loli lukatie kwa Daudi.

MATHAYO 7:8

Angu uo ulombagha uchanekwa, uo ulolagha uchawona, na uo ukongodagha ucharughuilwa.

1 MALAGHO GHA NGELO 28:9

“Na oho mwana wapo Solomoni, kummanye Mlungu wa ndeyo, na kukufunya kumdumikia kwa ngolo yose; kwa kukaia BWANA waichi maghesho na bea redu rose. Kukamghendia, uchakurumiria; ela kukamsigha, uchakudagha noko toe.

2 MALAGHO GHA NGELO 20:3

Niko Jehoshafati ukangilwa ni wowa, ukawoka kumlola BWANA; ukaeresha malagho wandu wifunge tumu andu kose isangenyi.

AMOSI 5:6

Mghendienyi BWANA mpate kukaia moyo, usechemseria sa modo andenyi ya wandu wa Israeli. Modo ghuchawikora wandu wa Betheli, hata usepatike mndungi oghurimisha.

ZABURI 69:32

Awo wikorongelo, wichawona na kuboilwa; inyo mumlolagha Mlungu, mkaisho moyo.

ZABURI 27:8

Oho kwaghambie, “Nilolenyi.” Nani naghamba, “Nichakulola ee BWANA;

ZABURI 22:26

Wakiwa wichaja na kughuda; awo wimlolagha BWANA, wichamkasa. Awo ndewiduo kwa kala na kala.

2 MALAGHO GHA NGELO 34:3

Mwaka ghwa wunyanya ghwa kubonya nguma kwake, orezoeghe kumlola Mlungu wa ndee Daudi uko mwana wokoni; na mwaka ghwa ikumi na iwi, ukazoya kuielesha Juda na Jerusalemu kwa kuinja andu kotasira mighondinyi, na fwana ra mlungu ghwa waka Ashera, na fwana rewacha na rechana.

WUKUMBUSO 4:29

Na aeni aho kuko, kuchamlola BWANA Mlungu wako, na kumpata iji kwamlola kwa ngolo yako yose na kwa roho yako yose.

WUKUMBUSO 32:46

ukaghamba, “Lindienyi kurisikira Sharia iri rose namneka idime. Mmburie kurifundisha wana wenyu eri wipate kughisikira mafundisho ghose gha Mlungu.

WUKUMBUSO 32:47

Mafundisho agha si gha duu anduangi; ela ni irangi jenyu. Mughisikire nenyo mchadua moyo luma isangenyi iji mruwukagha Jordani kujiwusa.”

ISAYA 31:1

Ni bugha kwa awo wiseagha cha Misri kulola wutesia, na kukusaghika na farasi na magare ghawo gha wuda wei angu ghiko mengi, na wajoki farasi wei angu wiko na ndighi; nawo ndewikusaghikagha na Mlungu, Mweli wa Israeli, hata kulola wutesia kwa BWANA anduangi.

EZEKIELI 18:9

Wadaghenda kwa kunugha sharia rapo, na kuilindia memu yapo; uo ni mhachi, nao loli uchakaia moyo, Ini Bwana MLUNGU naghamba.

2 WAZURI 20:3

“Nakulomba idana kunikumbuke ee BWANA, seji nighendie kwa wuloli imbiri kwako kwa ngolo yose, ngibonya agho ghikuboiagha;” Hezekia ukalila nandighi.

2 MALAGHO GHA NGELO 20:4

Wandu wa Juda wikakwanyika kulola wutesia kufuma kwa BWANA; wikacha kufuma mizi yose ya Juda kumlola BWANA.

ZABURI 69:33

BWANA wadawisikira awo wisowagha, hata ndemenyagha wandu wake wifungilo anduangi.

JEREMIA 38:20

Ngaghamba, “Ndewikuwadagha kungi. Oho sikira lwaka lwa BWANA kwa ghose nikughoriagha, na oho kuchakaia nicha hata ndekuchaabwaghwa anduangi.

HOSEA 10:12

Ngaghamba, ‘Limenyi mbuwa mbishi kwa wundu ghonyu mmbeni, muwe hachi, mkuwide lukundo lukatie kufuma kwapo. Ni ngelo ya kunighalukia ini, BWANA onyu, nani nichacha na kumdiria marasimio.’