AMOSI 5:10 - Biblia Ilagho Jiboie Kwa Wandu Wose

¹⁰ Inyo mwadazamilwa ni mundu ukemiagha wuwiwi, na kughora loli kotinyi.

AMOSI 5:10 Referans Kwoze

ISAYA 29:21

Mlungu uchawitotesha awo wandu wiwighushagha wambao kwa kuwizighiria, awo wiwideghiagha shaghala wandu wikemiagha wuwiwi; uchawitotesha awo wandu wiwilaghashagha wandu wa loli na malagho maduu.

1 WAZURI 22:8

Ahabu ukamzera Jehoshafati, “Wasigharika mundu umweri okotia, nao ni Mikaia mwana wa Imla; ela wadanizamia angu jingi usenilodiagha mecha, ela wadanilodera mawiwi toe.” Jehoshafati ukaghamba, “Ii hata, kuseghore huwo.”

WUFUNUO 11:10

Na wandu wa ndoenyi wichaboilwa kwa wundu ghwa kubwaghwa kwawo, nawo wichabonya maseko na kuenjerana manosi; angu awo walodi wawi wedeeka matiriro kwa wandu ndoenyi.

JOHANE 15:19

Ngera modeeka wandu wa wurumwengu, kumangu wurumwengu ghwamkunda sa wandu wake; ela kwa kukaia neremsaghueghe kufuma wurumwengunyi, niko mseko wa wurumwengu; kwa wundu ughu, wurumwengu ghwazamilwa ni inyo.

JOHANE 7:7

Wurumwengu ndeghudimagha kuzamilwa ni inyo, ela ghwadazamilwa ni ini angu nighughoragha kazi rake kukaia razamie.

JOHANE 3:20

Angu kula umu ubonyagha maza rizamie, wadazamilwa ni mwengere, nao ndechagha mwengerenyi anduangi, mabonyo ghake ghizamie ghichewoneka.

2 MALAGHO GHA NGELO 36:16

Ela wikakaia wikiwiseka wadumwa wa Mlungu kwa lumenyo, wikamenya malagho ghake na walodi wake; hata BWANA ukajokwa ni machu nandighi aighu ya wandu wake, na wutesia ghungi ghukasoweka.

2 MALAGHO GHA NGELO 25:16

Ela usendeemeria kudeda, mzuri ukamzera, “Ni lii dikubonyere mnjama wa mzuri? Nyama kima! Kookunda kifwa?” Mlodi ukanyama kima nyuma ya kughora, “Namanya Mlungu oowona ukutoteshe, kwa kukaia kwabonya iji ilagho, sena kukalega njama yapo.”

1 WAZURI 21:20

Ahabu uendammbona Elija ukamzera, “Kwaniwada nga m'maiza wapo?” Elija ukatumbulia, “Ee, nakuwada; oho kwamerie kukufunya kubonya mawiwi imbiri ya BWANA.

1 WAZURI 18:17

Nao iji Ahabu wammbona Elija ukaghamba, “Wele ni oho kumoni, msumbui Israeli?”

WAGALATIA 4:16

Naawuya ngakaia m'maiza onyu sena kwa kumghoria ija loli?

MAKATANISHO 15:12

Mundu omenya ndeboilwagha ni kuwonyerwa makosa; ndelolagha njama kwa mundu wa hikima.

ISAYA 59:15

Loli yasowekie; na uo ukutanyagha na wuwiwi, waakungira wasinyi.” BWANA wawonie maza iri ukazamilwa na ndighi, angu hachi iseko.

JEREMIA 38:7

Ebedi-meleki Muethiopia, kolowi orekoghe ukikaia ngomenyi kwa mzuri, oresikireghe kukaia nakumbwa andenyi ya kisima; na mzuri orekoghe kidombo aja Mbenge ya Benjamini.

HOSEA 4:4

BWANA waghamba, “Mndungi userede mashitakio aighu ya wandu, kwa kukaia mashitakio ghapo gheeka aighu enyu inyo Wakohani.

AMOSI 5:15

Menyenyi mawiwi, mkunde mecha, mtanye hachi kotinyi. Kewada BWANA uchawiwonia wughoma masighariko gha wandu wa mbari ihi.

WALAWI 13:10

na mkohani uchamzighana. Iji wawona andu kuvimbie, na mafuri ghake ghighalukie na kuwuya gha chokwa, sena andu aho kuko na nyama ijokie;