AMOSI 4:9 - Biblia Ilagho Jiboie Kwa Wandu Wose

⁹ “Neredumieghe mbeo eomera viro venyu. Ngareda zighe riwoneja mbuwa renyu, mizabibu yenyu na mitini yenyu na mizeituni yenyu, nenyo hata huwo saki, ndemorenighalukieghe.

AMOSI 4:9 Referans Kwoze

HAGAI 2:17

Neremkabieghe kwa kiremba, na vua ya magho ngano na vindo vose morewaeghe, ela ndemoreherieghe.

WUKUMBUSO 28:22

BWANA uchakukaba na makongo ghewasirana, homa, na kuakwa modo, na iruke jibirie, na kuoma kwa ndoe, na kiremba, na ngama ya miwalwa; maza iri richakunugha hata kwatota.

JOELI 1:4

Izungu ja zighe jawuyanughana jakaria aighu ya miwalwa. Izungu jimu ja zighe jikaja na kusighara, izungu jimu jiameria ivo veresighiloghe.

AMOSI 4:6

“Ni ini neremredieghe njala andenyi ya kula muzi ghonyu; mkasowa vindo kula andu morekaieghe; ela hata huwo saki ndemorenighalukieghe.

AMOSI 4:8

Wandu wa mizi iwi idadu wereghendieghe kwa muzi ghumweri kulola machi, ela ndewereghipatireghe gha kuwikata; nenyo hata huwo saki ndemorenighalukieghe.”

JOELI 2:25

Nichammbunjira vindo va miaka yose vijilo ni izungu ja zighe; ni ini nerejidumieghe ijo izungu ja zighe konyu.

JOELI 1:7

Ranonie mizabibu yedu putu; rikaja mitini yedu putu. Rakonue makoko gha midi yaro; mbashu raro rikadawoneka ra chokwa.

JEREMIA 5:3

Ee BWANA, meso ghako ndeghizighanagha iyo loli anguwada? Oho kwawikabie, ela ndewisikire luwawo lungi, kwawionyere, ela waleghie kukuboisa weni. Wakurishire nia rawo kuchumba igho, nawo waleghie kuhea.

JEREMIA 3:10

Aighu ya agho ghose, uja Juda wa kwawo useko mloli nderewurieghe kwapo kwa ngolo yake yose, ela odeeka ukibonya mikalo tu, waghamba BWANA.”

ISAYA 1:5

Kwaki mduagha mkilegha kusikira na kukunda kukabwa ee Israeli? Chongo chako chose ni mkongo, na ngolo yako yose yaawuyadumbuka.

2 MALAGHO GHA NGELO 6:28

“Iji njala yangia isangenyi, angu saka izamie, mbeo angu ikungughu jeomera miwalwa angu zighe, angu vivunyu; ikakaia wamaiza wawo wawirughaia andenyi ya muzi ghungi ghwa mizi yawo, saka angu wukongo ugho ghose,

1 WAZURI 8:37

“Njala ikakaia isangenyi, angu saka izamie angu makongo gha miwalwa, angu zighe, angu mwapazi, sena wamaiza wawo wikawirughaia wikawingiria na kuwada ghumu ghwa mizi yawo, ngera ni wukongo ghwa ngawawi, angu wukongo ugho ghose;

WUKUMBUSO 28:42

Midi yako, na vindo vako va mbuwenyi, vichajighwa ni zighe.

ISAYA 50:11

Inyo mmbose m'bonyagha njama retotesha wazima, mchatoteshwa ni njama renyu reni. BWANA moni uchabonya maza iri rikaie nenyo mchapata wasi m'baa.

HABAKUKI 3:17

Hata ngera mtini ghwakaia ghusewadie matunda, na zabibu kusoweka aighu ya mizabibu; hata ngera matunda gha mizeituni ghasoweka na mbuwa kusowa vindo, hata ngera ng'ondi rasia chaghenyi na ng'ombe kusoweka putu boronyi;

ISAYA 9:12

Wasiria wacha kufuma mashariki, na Wafilisti kufuma magharibi, nawo watambarua memu yawo wipate kummila Israeli. Hata huwo saki, machu gha BWANA ndeghisirie ela mkonu ghwake ghokaba ghoko ghughorokie hata idana.

HOSEA 11:5

“Na angu wileghie kuwuya cha kwapo, wichawuya cha isanga ja Misri, na Ashuru uchawuya mzuri wawo.

MALAKI 3:11

Nichakemia nyamandu na shimandu rijagha vindo venyu, eri risenone mavalo ghenyu gha mbuwenyi na mizabibu yenyu ichava zabibu kwa wungi.