AMOSI 4:6 - Biblia Ilagho Jiboie Kwa Wandu Wose

⁶ “Ni ini neremredieghe njala andenyi ya kula muzi ghonyu; mkasowa vindo kula andu morekaieghe; ela hata huwo saki ndemorenighalukieghe.

AMOSI 4:6 Referans Kwoze

HAGAI 2:17

Neremkabieghe kwa kiremba, na vua ya magho ngano na vindo vose morewaeghe, ela ndemoreherieghe.

JEREMIA 5:3

Ee BWANA, meso ghako ndeghizighanagha iyo loli anguwada? Oho kwawikabie, ela ndewisikire luwawo lungi, kwawionyere, ela waleghie kukuboisa weni. Wakurishire nia rawo kuchumba igho, nawo waleghie kuhea.

ISAYA 9:13

Hata ngera BWANA wa majeshi wawikabie, ela wandu wa Israeli ndewiherie wikaghaluka na kumlola BWANA anduangi.

WUFUNUO 2:21

Neremnekieghe ngelo upate kuhea, ela waawuyalegha kuhea wulaki ghwake.

HOSEA 5:15

“Nichawisigha wandu wapo hata witiriro ni kaung'a rawo kwa kukata; wiwonecha wikinilola. Kewada andenyi ya matiriro ghawo, wadima kunilola hata winiwone.”

WALAWI 26:26

Nichapunguza vindo venyu, hata ikaie waka ikumi wioche mkate ghonyu andenyi ya iriko jimweri; wichaghuwagha ugho mkate, nenyo mchaghuja na kulemwa ni kughuda.

EZEKIELI 16:27

“Kwa huwo idana zighana, naghorua mkonu ghwapo nipate kukukaba, na kupunguza iwaghio ja ifungu jako, nipate kukufunya kwa Wafilisti, awo wimerie kuzamilwa ni oho kwa wundu ghwa wumalaya ghwako ghwa waya.

ISAYA 26:11

Mkonu ghwako ghwawusirwa ighu ghukabe ee BWANA, ela ndewighuwonagha. Ndewiwone kufunga ndighi kwako kwa wundu ghwa wandu wako, wipate kufwa waya. Modo ghuwikilo kwa wundu ghwa wamaiza wako, ndeghuwimerie.

ISAYA 3:1

Olenyi Bwana, uo BWANA wa majeshi, uchainja kula kilambo chisuwirilwagha ni wadamu, kufuma Jerusalemu na kufuma Juda; ikaiagha ni vindo, ikaiagha ni machi.

2 MALAGHO GHA NGELO 28:22

Iyo ngelo cheni Mzuri Ahazi orekoghe andenyi ya wasi m'baa, ukachuria kusowa kukaia mloli kwa BWANA.

2 WAZURI 8:1

Idana Elisha oremzerieghe uja muka Mshunami, uo oremrukishirieghe mwana wake, ufume jija isanga, uhamie andu kuzima uko kose uchaakuwona. Kwa kukaia BWANA uchareda njala isangenyi jija kwa miaka mfungade.

2 WAZURI 4:38

Elisha ukawuya sena Gilgali, na ngelo iyo korekoghe na njala isangenyi. Hata iji kipughi cha walodi wereserieghe kidombo imbiri kwake, ukamzera mdumiki wake, “Wikiria nyungu mbaa modonyi kudekie kipughi cha walodi supu.”

1 WAZURI 18:2

Niko Elija ukafuma kwendakuwonyera moni kwa Ahabu. Njala erekoghe yabia loli loli aja Samaria.

1 WAZURI 17:1

Mlodi uwangwaghwa Elija wa isanga ja Tishbi jiko Gileadi ukamzera Ahabu, “Kwa irina ja BWANA Mlungu wa Israeli ukaiagha moyo, uo Mlungu nimdumikiagha, vua ndeichaanya ndoenyi hata mami ghangi kuwoneka isaakaia kwa ilagho nichaajighora.”

WUKUMBUSO 28:38

Kuchawa mbeu nyingi mbuwenyi, ela kuchakuwida viro vitinieri; kwa kukaia vichajighwa ni zighe.

JEREMIA 14:18

Ngaghenda noko cha mbuwenyi, niawona awo wibwaghilo wudenyi; ngawuya mzinyi, niawona awo wibwaghwaa ni njala. Walodi na wakohani wiabonya kazi rawo isangenyi, hata ndewimanyagha ilagho jingi anduangi.”

EZEKIELI 14:21

Bwana MLUNGU waghamba huwu, “Welee, maza rizama saki ngaghudumia muzi ghwa Jerusalemu makabo ghapo ana; wuda ghwa lufu, njala, nyamandu rizamie, na saka izamie, eri nipate kubwagha mdamu na nyamandu!

JOELI 1:16

Viro vedu vaawuyatoteshwa dikiwona woruwu; ndekuwadie kuboilwa kungi Hekalunyi kwa Mlungu odu.

WALAWI 26:23

“Mkalegha kunighalukia nyuma ya agha makabo ghose, na kuchuria kunimenya,

RUTHU 1:1

Ngelo imu, iji watanyi wa Israeli werekoghe wikibonya nguma, korekoghe na njala isangenyi; na mndumu wa muzi ghwa Bethlehemu isanga ja Juda ukaghenda kukaia kiwughenyi isanga ja Moabu, andwamweri na mkake, na wana wake wa womi wawi.

ISAYA 9:12

Wasiria wacha kufuma mashariki, na Wafilisti kufuma magharibi, nawo watambarua memu yawo wipate kummila Israeli. Hata huwo saki, machu gha BWANA ndeghisirie ela mkonu ghwake ghokaba ghoko ghughorokie hata idana.

HOSEA 11:5

“Na angu wileghie kuwuya cha kwapo, wichawuya cha isanga ja Misri, na Ashuru uchawuya mzuri wawo.