AMOSI 3:8 - Biblia Ilagho Jiboie Kwa Wandu Wose

⁸ Shimba yameria kururuma; nani useobuagha? BWANA wameria kughora; ni mlodi uao usefunyagha wulodi?”

AMOSI 3:8 Referans Kwoze

MABONYO GHA WADUMI 4:20

ela isi ndedichaaleka kughora malagho dighiwonie na kughisikira anduangi.”

AMOSI 3:4

Welee, shimba yarurumagha msidunyi, ngera isepatire madiwo? Welee, mwana wa shimba wakemagha mbangenyi usewadie kilambo chingi?

JEREMIA 20:9

Ngaghamba, “Sichaamghora BWANA angu kughora kwa irina jake,” jiaghaluka ngolonyi kwapo seji ni modo ghuakagha, ghwarughilwa andenyi ya maindi ghapo; nani nalemwa ni kijighiria sidimagha kujikania.

AMOSI 1:2

Amosi ukaghamba, “BWANA waruruma kufuma Mghondi ghwa Sinai; wadeda kufuma Jerusalemu. Milamba elisha yaoma, na nyasi aighu ya Mghondi ghwa Karmeli rawuya manjano.”

WUFUNUO 5:5

Niko umu wa awo waghosi ukanizera, “Leka lila; hoja uo Shimba wa mbari ya Juda, wa kivalwa cha Daudi, uo wamerie kusima; nao wadima kuifungua iyo mihuri mfungade, na kuchikuchua icho chuo.”

1 WAKORINTHO 9:16

Angu ngera najichila Ilagho Jiboie, ijo ndejininekagha hachi ekukasa; angu nawikilwa suti ejichila. Ni bugha kwapo ngakaia nisejichilagha Ilagho Jiboie.

AMOSI 2:12

Ela morewibonyereghe awo Wanaziri winyo divei, mkawilaghira walodi wisefunye wulodi.

MABONYO GHA WADUMI 5:29

Ela Petro na wadumi wambao wikatumbulia, “Ni suti dimsikire Mlungu kuchumba wadamu.

MABONYO GHA WADUMI 5:20

“Ghendenyi mkaie kimusi Hekalunyi, muwighorie wandu malagho ghose gha irangi iji iwishi.”

ISAYA 31:4

BWANA wanizerie huwu, “Sa iji koni shimba angu mwana wa shimba wirurumagha wikilindia madiwo ghawo, wiseturuswagha ni chwaka ra walisha wengi, angu kuoboshwa ni ndoghoi rawo, niko koni na BWANA wa majeshi uchaasea kubonya wuda kulindia Mghondi ghwa Sioni.

EZEKIELI 29:21

“Ngelo maza iro richaabonyeka, nichawibonya wandu wa Israeli wikaie na ndighi, nani nichakubonya oho Ezekieli kughore nawo aghadi kwawo. Aho niko wichaamanya kukaia Ini ne BWANA.”

ISAYA 21:10

Agho nighisikire kufuma kwa BWANA wa majeshi, Uo Mlungu wa Israeli, niamghoria inyo ee wandu wapo Israeli, mchanilo na kuelwa sa viro.

JEREMIA 26:12

Niko Jeremia ukawizera wabaa na wandu wose ukighamba, “Ni BWANA unidumie kufunya wulodi aighu ya ihi Hekalu na ughu muzi, niko ngaghora malagho agho ghose mwaghisikira.