AMOSI 3:7 - Biblia Ilagho Jiboie Kwa Wandu Wose

⁷ Kwa loli Mlungu ndebonyagha ilagho jingi, usezoe kande kufunukua mpango ghwake kwa wadumiki wake walodi.

AMOSI 3:7 Referans Kwoze

JOHANE 15:15

Simmbangagha wadumiki sena, angu mdumiki ndemanyagha agho bwana wake ubonyagha anduangi. Ela ini nammbanga waghenyi wapo, angu namgorie malagho ghose nereghisikireghe kwa Aba.

KUZOYA 18:17

BWANA ukaghamba, “Nimvisiraki Abrahamu ilagho nichaajibonya,

ZABURI 25:14

BWANA ni mghenyi wa awo wimuobuagha, nao wadawimanyisha ilaghano jake.

WUFUNUO 1:1

Wufunuo ghwa Jesu Kristo, ugho Mlungu oremnekieghe uwiwonyere wadumiki wake iro maza riko suti rikaie kafwani. Na Kristo ukamduma malaika wake urimanyishe kwa mdumiki wake Johane;

KUZOYA 6:13

Nao Mlungu ukamzera Nuhu, “Nachawona niwimeria wadamu wose, kwa kukaia wurumwengu ghose ghwachulwa ni wuwiwi ghwawo, nani nichawitoteshanya na ugho wurumwengu.

WUFUNUO 4:1

Nyuma ya agho, nerezighanireghe, nao ola, ngawona mnyango ghwarughulwa mlungunyi! Na ulo lwaka nerezoeghe kulusikira lukighora nani sa tarumbeta lukaghamba, “Joka nokunu, nani nichakuwonyera iro maza riko na suti ekaia nyuma ya agha.”

DANIELI 10:21

Ndekuwadie mndungi unitesiagha, ela Mikaeli uo malaika onyu. Idana nichakumanyisha agho ghiandikilo andenyi ya Chuo cha Loli.

JEREMIA 23:22

Ngera loli wedeeka andenyi ya njama rapo, kumangu waghorie wandu wapo ilagho japo, na kumangu wandu wapo waghalukie na kusigha chia rawo mbiwi, na mabonyo ghawo ghizamie.

WUFUNUO 1:19

Idana kuandike iro maza kuriwonagha; iro riko, na iro richaakaia konyuma.

DANIELI 11:2

Na idana nichakughoria malagho gha loli.” “Ola wazuri wamu wadadu wichawuka Pashia, na wa kana uchawuya mzuri wa mali kuchumba awo wose. Iji wapata ndighi kwa wundu ghwa iro mali rake, uchawinyavurisha wose wipate kulwa na wuzuri ghwa Wagriki.

2 WAZURI 22:13

“Ghendenyi mumkotie BWANA kwa wundu ghwapo, na kwa wundu ghwa wandu wose wa Juda, kunughana na malagho gha ichi chuo chawonwa; angu chiawonyera BWANA oko na machu nesi mabaa loli loli, kwa kukaia weke aba ndeweresikireghe malagho gha ichi chuo, wipate kubonya sa iji chawuyaghamba aighu yedu.”

2 WAZURI 6:12

M'baa umu wake ukaghamba, “Ii hata bwana wapo mzuri; mndungi odu ndeko huwo. Ela ni Elisha, uja mlodi uko Israeli, nuo ummanyishagha mzuri wa Israeli malagho kwaghidedia hata andenyi ya chumba chako chelala.”

2 WAZURI 22:20

Ola kuchafwa sa weke ndeyo, kuriko kwa sere; meso ghako ndeghichaawona ugho wasi ghose nichaaghuredia muzi ughu.’” Nao awo wandu wikammbunjira mzuri agho malagho.

WUFUNUO 10:7

Ela iji malaika wa mfungade uchaaikaba tarumbeta yake, iyo ngasu ya Mlungu oreighorieghe ukitumia wadumiki wake, awo walodi, ichakatishwa.

EZEKIELI 29:21

“Ngelo maza iro richaabonyeka, nichawibonya wandu wa Israeli wikaie na ndighi, nani nichakubonya oho Ezekieli kughore nawo aghadi kwawo. Aho niko wichaamanya kukaia Ini ne BWANA.”

DANIELI 2:47

Mzuri ukamzera Danieli, “Kwa loli Mlungu wako ni Mlungu wa milungu, na BWANA wa wazuri, na mtambushiri wa ngasu, kwa kukaia oho kwachadima kuitambua ngasu ihi.”

1 SAMUELI 9:15

Imbiri Sauli usechee, BWANA orekoghe wamfunukuya Samueli huwu,

ISAYA 18:4

Angu BWANA wanizerie huwu, “Nichazighana mboaeri kufuma andu kwapo nikaiagha, sa ndoe yakombwa ingelo iruwa jakala, sa iwingu ja mami mrukenyi ngelo ekuwida viro.