AMOSI 3:10 - Biblia Ilagho Jiboie Kwa Wandu Wose

¹⁰ BWANA waghamba, “Awandu ndewiichi kubonya hachi, waawuyachura ngome rawo na vilambo visokelo wandu na wutoi.”

AMOSI 3:10 Referans Kwoze

ZEFANIA 1:9

Ituku ijo, nichawikaba wandu witasagha sa wandu wisemwichi Mlungu, na awo wiiwagha na kubwagha eri wichure nyumba ra weke bwana wawo na vilambo vesokwa.

JEREMIA 4:22

BWANA waghamba, “Ni kwa kukaia wandu wapo wakaia wakelu ndewiniichi, nawo wakaia wana wiko wakelu, wisewadie kumanya kungi anduangi. Akili rawo rose ni aighu ya kubonya wuwiwi, ela kumanya kubonya ijo jiko jiboie ndewiichi.”

ZABURI 14:4

BWANA wakotia, “Welee, awabonyi kiwiwi wose ndewikufundishagha jingi? Wadasoka wandu wapo, hata ndewinilombagha.”

2 PETRO 3:5

Na ilagho iji wajiliwa kidali kukaia, kwa ilagho ja Mlungu, mlungunyi koreumbiloghe koicho, na ndoenyi korebonyeroghe kufuma machinyi na kwa chia ya machi;

AMOSI 6:12

Welee, farasi rakimbiagha aighu lwalenyi? Welee, mndungi walimagha na ighembe ja ng'ombe a baharinyi? Ela inyo mwaighalusire hachi iwuye sumu, na itunda ja hachi jiwuye sa kilambo chiwawie.

AMOSI 5:7

Ni bugha konyu inyo muighaluagha hachi iwuye kuwawa, na kuilaghasha loli.

JEREMIA 5:4

Niko ngaghamba, “Awa ni wandu wakiwa, ndewiwadie akili ringi; kwa kukaia ndewiichi chia ya BWANA iyo sharia ya Mlungu wawo.

EZEKIELI 8:17

BWANA ukanizera, “Mwana wa mdamu, kwawona agha? Wandu wa Juda ndewiwuekatwa ni wuchafu wawuyaghubonya aha, wachuria wuwiwi ghobonya wuda isangenyi, na kuchuria kunibonya nijoko ni machu. Wona sena wiangira lumbashu mbuonyi kwawo.

EZEKIELI 18:7

Usekorongagha mndungi, ela wadammbunjira msile wake icho orechiwikieghe wufunga; ndesokagha, ela wadamneka vindo uo uko na njala, na kumneka nguwo uo uko na zuna.

EZEKIELI 22:29

Waisanga weekuzaisira kukita na kusoka; wamkorongie mkiwa na uo usena kilambo chingi, na kumkita mghenyi kwa kumsoka hachi yake.

AMOSI 6:3

Inyo mleghagha kurumiria wei ijo ituku jekabwa jalighisa, ela sena agho mughibonyagha ghaawuyashashira ijo ituku jimchee.

AMOSI 6:8

Bwana MLUNGU waghema kwa uo moni, ukighamba, “Nazamilwa ni uko kukujosa kwa wandu wa Israeli na iro ngome rawo; nani nichaghufunya muzi ghwawo na vose viko andenyi yaro kwa wamaiza.”

MIKA 6:10

Reko mali ra magendo nyumbenyi kwa wandu wawiwi wiripatire kwa chia iseko na hachi. Waawuyatumia vipimo va tee nisevikundagha.

AYUBU 20:21

Ukaja ndesigharagha kindo chingi, kwa huwo ndechaakaia na kilambo chingi.

MAKATANISHO 1:13

Dichapata vilambo vose va zoghori mbaa, na kuchura nyumba redu navo.

MAKATANISHO 11:16

Muka wa wughoma, wadanekwa ishima; wakinyanya, wadapata mali.

MAKATANISHO 28:5

Wandu wawiwi, ndewiichi kutanya loli, ela awo wimtasagha BWANA, watambukilwa putu.

MCHILI 4:1

Niko ngazighana sena, ngawona kusowa hachi kose kwawuyabonyeka wurumwengunyi. Wandu wikorongwaghwa na kulila, wisewadie mndungi owitesia. Wakorongi wawo weeka na ndighi aighu yawo; wisewadie mndungi owitesia.

HOSEA 7:1

“Ingelo nawuyakunda kuwiboisa wandu wapo Israeli, niko kaung'a rawo rifunukukagha na mabonyo ghawo kuwoneka. Waawuyakaliana weni na weni; waawuyabara nyumba na kuiwa, na kusoka wandu vilambo chienyi.

AMOSI 4:1

Sikirenyi agha inyo waka wa Samaria, m'bandie sa ng'ombe ra Bashani rilishwagha aighu ya mighondi ya Samaria; mkorongagha wakiwa, na kuwitirira awo wisowagha na kuwizera womi wenyu, “Redenyi chofi dinyo.”