AMOSI 1:12 - Biblia Ilagho Jiboie Kwa Wandu Wose

¹² Kwa huwo nichaduma modo aighu ya muzi ghwa Temani, na kurikora ngome ra Bosra.”

AMOSI 1:12 Referans Kwoze

JEREMIA 49:20

Kwa huwo, sikira mpango nighubonyere ini BWANA aighu ya wandu wa Edomu, na makusudi ghapo aighu ya awo wandu wikaiagha muzi ghwa Temani. Hata wana wawo watini wichakurudulwa noko, na wandu nawo wichaobua.

JEREMIA 49:7

BWANA wa majeshi waghamba huwu aighu ya Edomu, “Welee, ndeiko hikima andenyi ya wandu wa Temani? Welee, njama ya wandu wa suku eesia? Hikima yawo eesia?

JEREMIA 49:22

Olenyi mbari imu ichajoka shwa iangue sa indu, na kughorua mawawa ghake aighu ya Bozra, ipate kuikaba; na ngolo ra mang'oni gha Edomu ituku ijo, richatika-tika sa muka ukumbagha lufu kwa kuva.”

JEREMIA 49:13

Angu nabonyere ighemi kwa ini moni, kukaia muzi ghwa Bozra ghuchashinikilwa, na kusekwa; ghuchasighwa mduu, ghuwasirilo njowe; na mizi yake ichasighwa miduu matuku ghose.”

ISAYA 34:6

Lufu lwa BWANA luchachulwa ni bagha rawo na kurogha mavuda ghawo, sa bagha na mavuda gha wana wa ng'ondi na wa mburi, kara kara na mavuda gha figho ra bauru. Kwa kukaia BWANA uchafunya kizongona aja Bosra na kubwagha wandu wengi isanga ja Edomu.

KUZOYA 36:33

Bela ukafwa, na Jobabu mwana wa Zera kufuma muzi ghwa Bosra, ukabonya nguma wulalo ghwake.

KUZOYA 36:11

Temani, Omari, Sefo, Gatamu na Kenazi.

ISAYA 34:5

BWANA wawika lufu lwake tayari mlungunyi, nalo luasea kukaba Edomu, ee, awo wandu umerie kuwitanya kufwa.

ISAYA 63:1

Nani uhu ufumagha Bosra muzi ghwa Edomu uko na nguwo ritinikie righokie ra wubaa, sena uwadiagha kwa wubaa ghwa ndighi rake? “Ni ini BWANA niereshagha hachi yapo, niko na ndighi rekira.”

EZEKIELI 25:13

nanimoni nichaghorua mkonu ghwapo nikabe Edomu; nichabwagha mdamu na nyamandu, na kusigha ijo isanga iduu, kufuma Temani hata Dedani, wandu wose wichabwaghwa kwa lufu.

OBADIA 1:1

Ughu ni wulodi ghwa Obadia seji BWANA Mlungu ughorie aighu ya wandu wa Edomu. BWANA wamdumie mdumwa wake kwa iro mbari zima; damsikire ukighora malagho agha: “Wukenyi dilo na Edomu!”

HABAKUKI 3:3

Mlungu waawuyacha kufuma Edomu uo Mweli waawuyacha kufuma Mghondi ghwa Parani. Mlungunyi kwafinikirwa ni wubaa ghwake, na ndoenyi kwachulwa ni makaso ghake.

1 MALAGHO GHA NGELO 1:44

Bela uendafwa, Jobabu mwana wa Zera kufuma Bosra ukabonya nguma wulalo ghwake.