2 SAMUELI 7:7 - Biblia Ilagho Jiboie Kwa Wandu Wose

⁷ Namare-mare andu kose chiaimweri na wandu wose wa Israeli. Jingi mwanisikire ngilawia vilongozi venyu wei, “Kwaki mseniaghiagha nyumba ya midi ya sida?” ’

2 SAMUELI 7:7 Referans Kwoze

1 MALAGHO GHA NGELO 17:6

Andu kose nidue ngighendanya na wandu wa Israeli jingi simkotere mtanyi ungi wa Israeli wa awo nerewiwikieghe wilongoze wandu wapo ngighamba wei kwaki wiseniaghiagha nyumba ya misida.’

2 SAMUELI 5:2

Ngelo iidie iji Sauli orekoghe mzuri aighu yedu, ni oho kumoni korekoghe kukiwilongoza wandu wa Israeli wudenyi, na BWANA orekuzerieghe, ‘Oho kuchakaia mlisha wa wandu wapo Israeli na m'baa wawo.’”

MABONYO GHA WADUMI 21:28

Nawo wikakema, “Okenyi womi wa Israeli tesienyi! Uhu mundu nuo moni ulalaafundisha wandu kula andu wileghane na mbari yedu, na Sharia, na Andu aha kwa Wueli; sena wawireda Wagriki Hekalunyi na kukulusha andu aha kwa Wueli.”

MABONYO GHA WADUMI 20:28

Kwa huwo mkulindie inyo mmbeni, andwamweri na chagha chose icho Roho Mweli ummbikie mkaie wazighaniri waro, mpate kujilindia ikanisa ja Mlungu orejipatireghe kwa bagha ya Mwana wake moni.

MATHAYO 2:6

‘Oho Bethlehemu wa Isanga ja Juda, ndekuko mtini putu aghadi ya vilongozi va Juda; kwa kukaia kwako uchafuma kilongozi, uchaawighenja wandu wapo Israeli.’”

MIKA 5:4

Ngelo uchagha, uchawibonyera nguma wandu wake kwa ndighi ra BWANA, na kwa nguma ya BWANA Mlungu moni. Wandu wake wichakaia banana, kwa kukaia wandu wose wurumwengunyi wichaghutala wubaa ghwake.

EZEKIELI 34:23

Nani nichawika mlisha umweri aighu yawo, sa mdumiki wapo Daudi, nao ucharilisha, na kuwuya mlisha wawo.

EZEKIELI 34:15

Ini nimoni nichakaia mlisha wa ng'ondi rapo, nani nicharibonya ridime andonyi nicha, ini Bwana MLUNGU naghamba.

EZEKIELI 34:2

“Mwana wa mdamu, funya wulodi aighu ya walisha wa Israeli kuwizere kukaia ini Bwana MLUNGU naghamba huwu: Ni bugha kwa walisha wa Israeli wikulishagha weni! Welee, ndeiwifwane walisha kulisha ng'ondi?

JEREMIA 23:4

Nichawika wabonyi nguma wazima awo wichaawibonyera nguma nicha na kuwilindia. Ndewichaaobua sena, hata ndewichaafushwa waya, angu ungi kulaghaya sena anduangi.

JEREMIA 3:15

“Nani nichamneka wabonyi nguma wiko na ngolo sa yapo, nawo wicham'bonyera nguma na kumchura hikima na kumanya.

ISAYA 40:11

Uchachilisha chagha chake sa mlisha, uchawikwanya wana wa ng'ondi, na kuwidwa mkonunyi kwake; uchawidwa laghenyi kwake; na weke mae uchawighenja kwa wumboa.

WUKUMBUSO 23:14

Kwa kukaia BWANA Mlungu wako wadasela aghadi ya kambi yako, kukukira na kukubonya kuwisime wamaiza wako, suti kambi yako ikaie ielie; usechewona kindo chingi chiseboie aghadi yako, na kukusigha.

1 PETRO 5:1

Kwa wundu ugho, nawivoya waghosi wiko aghadi konyu, ini moni niko mghosi sa awo weni, na mshahidi wa matiriro gha Kristo, na mngara wa ghuja wubaa ghuchaafunukulwa.

1 MALAGHO GHA NGELO 11:2

Imbiri, hata iji Sauli orekoghe mzuri, ni oho korekoghe kukiwighenja Waisraeli. BWANA Mlungu wako ukakuzera kukaia kuchakaia mlisha wa wandu wake Israeli, na kuwuya m'baa wawo.”

ISAYA 66:1

BWANA waghora huwu, “Mlungunyi ni kifumbi chapo cha nguma; na ndoenyi ni andu kowikiria maghu ghapo. Mchaniaghia nyumba ifwane wada, na andu kwapo kohoreshera koko wada?