1 WAZURI 3:3 - Biblia Ilagho Jiboie Kwa Wandu Wose

³ Solomoni oremkundeghe BWANA, ukakaia ukighenda kwa kunugha sharia ra ndee Daudi, kasoro tu orekoghe ukifunya vizongona vake andu kotasira mighondinyi.

1 WAZURI 3:3 Referans Kwoze

1 WAKORINTHO 8:3

Ela uo mundu umkunde Mlungu, wamanyikie kwake.

ZABURI 31:23

Mkundenyi BWANA inyo waeli wake wose. BWANA wadawilindia wandu wa loli, ela wadawilipa wang'eti seji iwifwanagha kwa wungi.

WUKUMBUSO 30:16

Mkasikira malaghiro gha BWANA Mlungu onyu nimlaghiragha idime, kwa kumkunda BWANA Mlungu onyu na kubonya seji ukunde, na kughiwadia malaghiro ghake na sharia rake na mafundisho ghake, mchakaia moyo na kuchurikia; na BWANA Mlungu uchamrasimia isangenyi mujingiagha mujiwuse.

WUKUMBUSO 6:5

na oho kumkunde BWANA Mlungu wako kwa ngolo yako yose, na kwa roho yako yose na kwa ndighi rako rose.

1 WAZURI 3:14

Na ikakaia kuchanisikira, na kumaziria sharia na memu yapo, seji ndeyo Daudi oreghendieghe, niko nichaakuchuria matuku ghedua moyo ndoenyi.”

1 WAZURI 3:6

Solomoni ukaghamba, “Oho kwamerie kuwonyera lukundo lubaa lukatie kwa mdumiki wako aba Daudi, angu orekoghe ukighenda imbiri kwako kwa wuloli, na hachi, na kwa ngolo yose. Niko kukam'bonyera ulo lukundo lubaa, kukamneka mwana wa womi upate kuchiseria kifumbi chake cha nguma idime.

WUKUMBUSO 30:20

Mumkunde BWANA Mlungu onyu; mumsikire na kuwadiana nao; angu kwa kubonya huwo, mchakaia na irangi, sena mchakaia na matuku mengi isangenyi ijo BWANA orewilaghirieghe weke ndeyo, Abrahamu, na Isaaka na Jakobo kukaia uchawineka.”

WUKUMBUSO 30:6

Sena BWANA Mlungu onyu uchaboisa ngolo renyu na ra wana wenyu, mpate kumkunda BWANA Mlungu onyu kwa ngolo renyu rose, na kwa roho renyu rose, eri mpate kukaia moyo.

WUKUMBUSO 10:12

“Idana inyo wandu wa Israeli, sikirenyi seji BWANA Mlungu onyu ukunde. Mnekenyi ishima na kumuobua, M'bonye seji ukundagha; mumkunde na kumdumikia kwa ngolo renyu rose;

JAKOBO 2:5

Sikirienyi wanidu nimkunde: Welee, Mlungu nderewisaghueghe awo wiko wakiwa wa wurumwengu wipate kukaia Wazuri wa irumirio, na wandu wepata ifwa ja Wuzuri, ugho Mlungu uwilaghirie awo wimkundagha anguwada?

JAKOBO 1:12

Mundu urumaghiagha matimo, ucharasimilwa; angu iji wasima ijo itimo, uchapata kirumbu cha irangi, icho Mlungu uwilaghirie awo wose wimkundagha.

WAROMA 8:28

Isi damanya angu kwa maza rose Mlungu wadabonya kazi chiaimweri na awa wimkundagha kwa kureda mecha; awo orewiwangieghe kunughana na kukunda kwake.

JOHANE 14:21

Uo uiwadagha memu yapo na kuikatisha, nuo unikundagha; na uo unikundagha, uchakundwa ni Aba, na ini nichamkunda na kukuwonyera ini moni kwake.”

JOHANE 14:15

“Mkanikunda mchaiwadia memu yapo.

MATHAYO 22:37

Jesu ukatumbulia, “Kumkunde Bwana Mlungu wako kwa ngolo yako yose, na kwa roho yako yose, na kwa akili rako rose.

2 WAZURI 18:22

Nako mkanizera, “Daawuyakusaghika kwa BWANA Mlungu odu,” welee, suo moni Hezekia uvuchue andu kwake kotasira mghondinyi na ukizera wandu wa Juda na Jerusalemu, “Mchatasa BWANA imbiri ya madhabahu ihi Jerusalemu?”

2 WAZURI 18:4

Ukainja andu kose kotasira mighondinyi, na kuchikanya nguro retasira milimu na fwana ra mlungu ghwa waka Ashera. Hata ija choka ya shaba erebonyeroghe ni Musa ukaibara vipande-vipande; kwa kukaia hata matuku ghaja, wandu wa Israeli werekoghe wikiifukiria ija fwana ya choka marumba, na kuiwanga Nehushtani.

2 WAZURI 15:35

Elaima ndereinjireghe aja andu kotasira wikakaia mighondinyi; wandu wikakaia wikifunyira vizongona na kufukira marumba mghondinyi.

2 WAZURI 15:4

Ela sena andu kotasira milimu mighondinyi na kufunya vizongona, na kufukiria marumba ndekoreinjiroghe anduangi.

2 WAZURI 14:4

Ndereinjireghe andu kotasira milimu korekoghe mighondinyi, wandu wikakaia wikibwaghia vizongona na kufukiria marumba ahoeni.

2 WAZURI 12:3

Elaima sena aho mighondinyi andu kotasira milimu ndekorenoneloghe, wandu wikakaia wikibwagha vizongona na kufukira marumba aho.

1 WAZURI 22:43

Jehoshafati ukabonya sa ndee Asa, ukibonya agho ghim'boiagha BWANA kuseko kughaluka, ela ndereinjireghe andu kotasira mighondinyi; wandu wikakaia wikifunya vizongona na kufukira marumba aho.

1 WAZURI 15:14

Hata ngera Asa ndererinonieghe rija nyumba retasira milimu rereaghiloghe mghondinyi, ela orekaieghe mloli putu cha kwa BWANA irangi jake jose.

1 WAZURI 15:3

Ukabonya kaung'a rija reni ndee oreribonyereghe. Nderekoghe mloli putu kwa BWANA Mlungu wake seji wawae wa madafu Daudi orebonyereghe.

1 WAZURI 11:38

Kukanisikira kwa agho ghose nikulaghiragha, na kukaia seji nikundagha, na kubonya agho ghiko gha hachi imbiri kwapo kwa kuiwadia memu yapo na sharia rapo, sa iji koni mdumiki wapo Daudi orebonyereghe, nichakaia andwamweri na oho, nani nichakubonya kukaie mzuri wa Israeli, na kivalwa chako chikaie chikibonya nguma nyuma yako, sa iji koni nerebonyereghe kwa Daudi.

1 WAZURI 11:34

Elaima sichaaghuinja ugho wuzuri kwake putu, ela nichamsigha ubonye nguma irangi jake jose, kwa wundu ghwa mdumiki wapo Daudi, uo neremsaghueghe, nao oreiwadieghe memu yapo na sharia rapo.

1 WAZURI 11:6

Kwa huwo Solomoni ukabonya wuwiwi imbiri ya BWANA, hata nderedimieghe kumnugha Mlungu putu seji ndee Daudi orebonyereghe.

1 WAZURI 11:4

Ngelo ya wughosi ghwake, waka wake wikaghalua ngolo yake kutasa milungu mizima hata nderekoghe mloli kwa Mlungu wake seji ndee Daudi orekoghe.

1 WAZURI 9:4

Na oho kukanidumikia kwa ngolo na wuloli sa ndeyo Daudi, na kubonya agho ghose nikulaghirie, kwa kuiwadia memu yapo na sharia rapo,

WUKUMBUSO 10:13

msikire malaghiro ghake nimlaghiragha idime, kwa wundu ghwa wucha ghonyu.

WUKUMBUSO 11:13

“Na inyo mkasikira malaghiro na kumkunda BWANA Mlungu onyu na kumdumikia kwa ngolo renyu rose, na kwa roho renyu rose, seji nimlaghiragha idime,

ZABURI 145:20

BWANA wadawilindia wose wimkundagha, ela uchawitotesha wawiwi wose.

WALAWI 17:5

Agha malagho ni kwa wundu ghoghiria wandu wa Israeli wawuyafunyira vizongona vawo cha shighadi ya kambi, eri wipate kuvireda kwa mkohani mnyangonyi ghwa Hema ekwania; na kuvifunya vikaie vizongona vepatanisha kwa BWANA.

1 SAMUELI 9:12

Wikatumbulia, “Oko aeni; ola hoja naimbiri konyu. Shashirenyi, waacha mzinyi idakoni; kwa kukaia wandu wiafunya kizongona andu kotasira mghondinyi idime.

1 WAZURI 8:25

Kwa huwo idana ee Mlungu wa Israeli, katisha ilaghiro jako ijo koremlaghirieghe mdumiki wako aba Daudi kukighamba, ‘Ikakaia wana wako wichaghenda kwa kunisikira sa iji koni oho koreghendieghe, na jingi ndekuchaasowa mundu oseria icho kifumbi cha nguma cha Israeli.’

1 WAZURI 8:61

Kwa huwo mkaie waloli kwa BWANA Mlungu odu kwa kuwadia sharia rake na memu yake sa iji mwawuyabonya idime.”

1 WAZURI 14:8

ngaghuwaghanya wuzuri kufuma kwa kichuku cha Daudi, na kukuneka oho; ela ndekorekaieghe kara kara na mdumiki wapo Daudi, uo oreiwadieghe memu yapo na kuninugha kwa ngolo yake yose, ukibonya agho gheni gherekoghe gha hachi imbiri kwapo.

1 WAZURI 14:23

Kwa kukaia nawo weni werekuaghieghe andu kotasira milimu; wikadunga nguro ra magho retasa, na kuwika fwana ra Ashera aighu ya kula mghondi na aisi ya midi ikambie.

1 WAZURI 15:5

BWANA orebonyereghe huwo, angu Daudi orebonyereghe hachi imbiri yake, hata ndereleghieghe kukatisha malaghiro ghake; ela ijo jeni orejibonyereghe kwa Uria Mhiti.

1 WAZURI 15:11

Asa ukabonya malagho gha hachi imbiri ya BWANA kara kara na wawae wa madafu Daudi.

1 WAZURI 22:44

Wokoni Jehoshafati ukabonya sere na mzuri wa Israeli.

2 WAZURI 12:4

Joashi ukawizera wakohani, “Pesa rose ra vilambo va wueli rifunywagha andenyi ya Hekalu, na ifungu ja kula mundu jipangilo jemfunyira BWANA, na agho wandu wifunyagha kwa ngolo, riredo andenyi ya Hekalu;

2 WAZURI 14:3

Ukabonya agho gherekoghe mecha imbiri ya BWANA; nderebonyereghe karakara na ndee Daudi kungi, ela odebonya kara kara na ndee Joashi.

2 MALAGHO GHA NGELO 15:17

Hata ngera ndereinjireghe andu kotasira mighondinyi andenyi ya Israeli, ela Asa odekufunya cha kwa BWANA putu matuku ghake ghose.