1 WAZURI 2:3 - Biblia Ilagho Jiboie Kwa Wandu Wose

³ kubonye agho BWANA Mlungu wako ukulaghiragha. Kuwadie memu yake yose, na sharia rake, sa iji koni rereandikiloghe andenyi ya Sharia ra Musa, eri kupate kuwona mecha kwa maza rose kuribonyagha andu kose kuchaaghenda.

1 WAZURI 2:3 Referans Kwoze

WUKUMBUSO 29:9

Kwa huwo mlindie kubonya malagho gha ilaghano iji, eri mpate kuwona nicha kwa maza rose m'bonyagha.

ZABURI 119:2

Warasimilwa awo wiiwadiagha memu yake, awo wimlolagha BWANA kwa ngolo yawo yose.

1 MALAGHO GHA NGELO 29:19

Kumneke mwana wapo Solomoni ngolo ewadia memu yako putu na mashuhudio ghwako; upate kuiagha Hekalu ihi naifunyira vilambo.”

ZABURI 119:111

Memu yako ni ifwa japo kwa kala, ni kuboilwa kwa ngolo yapo.

MALAKI 4:4

“Kumbukenyi mafundisho gha mdumiki wapo Musa; sharia na memu neremnekieghe aja Mghondi ghwa Sinai kwa wundu ghwa wandu wose wa Israeli wipate kusikira.

ZABURI 119:138

Oho kwaiwikie memu yako kwa hachi na wuloli ghose.

1 SAMUELI 18:14

ukabonya nicha kwa kula ilagho orekoghe ukijibonya; kwa kukaia BWANA orekoghe andwamweri nao.

JOSHUA 22:5

Mlindie kuiwadia memu na sharia iro Musa mdumiki wa BWANA oremlaghirieghe; kumkunda BWANA Mlungu onyu, na kubonya lukundo lwake kwa kula chia; kuiwadia memu yake, kuwadana nao na kumdumikia kwa ngolo renyu rose, na kwa roho renyu rose.”

ZABURI 19:7

Sharia ya BWANA ni ya loli putu, irukishagha roho; memu ya BWANA ni erumirilwa, imnekagha mkelu hikima.

2 WAZURI 18:7

Na BWANA ukakaia nao andu kose oreghendieghe ukawona nicha; ukamlegha mzuri wa Ashuru, hata nderekuwikieghe aisi yake anduangi.

2 SAMUELI 8:14

Ukaagha ngome andenyi ya isanga jose ja Edomu. Waedomu wose wikawuya wadumiki wa Daudi; na BWANA ukamneka Daudi wusimi andu uko kose oreghendieghe.

2 SAMUELI 8:6

Niko Daudi ukaagha ngome aho Aramu ya Dameshki, na Wasiria wikawuya wadumiki wa Daudi, wikakaia wikilipa kodi kwake. BWANA ukamneka Daudi wusimi andu uko kose oreghendieghe.

1 SAMUELI 18:30

Wabaa wa Wafilisti wikacha sena kwa wuda, na sa matuku ghose, iji wamchea Daudi, Daudi ukakaia na wusimi m'baa kuchumba wabaa wose wa Sauli; na irina jake jikakaia na ishima ibaa.

1 SAMUELI 18:5

Daudi ukabonya nicha kula andu oredumiloghe ni Sauli; kwa huwo Sauli ukam'bonya ukaie m'baa aighu ya wandu welwa wuda. Ilagho ijo jikakaia icha mesonyi kwa wandu wose, na hata kwa wadumiki wa Sauli.

WUKUMBUSO 5:1

Nao Musa ukawiwanga wandu wose wa Israeli ukawizera “Sikira ee Israeli iro sharia na mafundisho nimghoriagha idime, mkufundishe sena mlindie kurikatisha.

WUKUMBUSO 4:45

naro niro kanuni, na sharia, na malaghiro agho Musa orewighorieghe iji werefumieghe Misri,

WUKUMBUSO 4:8

Ni mbari iyao mbaa iko na sharia na malaghiro gha hachi sa agha namneka idime?

WUKUMBUSO 4:5

“Namfundishire sharia yose na malaghiro, sa iji koni BWANA Mlungu wapo unizerie; mpate kughibonya andenyi ya isanga mungiagha kujiwusa.

WUKUMBUSO 4:1

Musa ukawizera wandu wa Israeli, “Msikire sharia rose nimfundishagha; mpate kukaia moyo, mngie na kujiwada ijo isanga BWANA Mlungu wa weke ndeyo umnekagha.

WALAWI 8:35

Mchakaia aho mnyangonyi ghwa Hema ekwania kwa matuku mfungade kio na dime, mkibonya agho ghilaghirilo ni BWANA, eri msechefwa, angu huwo niko nerenekeloghe momu ni BWANA.”

1 WAZURI 3:3

Solomoni oremkundeghe BWANA, ukakaia ukighenda kwa kunugha sharia ra ndee Daudi, kasoro tu orekoghe ukifunya vizongona vake andu kotasira mighondinyi.

WUKUMBUSO 29:8

dikawada isanga jawo na kujineka kichuku cha Reubeni, na cha Gadi, na nusu ya kichuku cha Manase jikaie ifwa jawo.

JOSHUA 23:6

Kwa huwu mkaie mmange mkiwadia agha ghose ghiandikilo chuonyi cha Sharia ya Musa kuseko na kuighalukia na mbai;

MCHILI 12:13

Kutua kwa malagho ni uku: Maza rose ramerie kusikirwa. Muobuo Mlungu na kuiwadia memu yake, angu ihi niyo kazi ya mdamu.