1 WAZURI 2:2 - Biblia Ilagho Jiboie Kwa Wandu Wose

² “Ini nalighisa kufwa. Kukaie ing'oni; kukuwonyere kumoni kukaia ko mundu;

1 WAZURI 2:2 Referans Kwoze

JOSHUA 23:14

“Na idana ngelo yapo yalighisa, nenyo mmbeni mwamanya andenyi ngolonyi konyu na rohonyi konyu kukaia ndemsowie kilambo chingi kicha cha ivo BWANA Mlungu onyu oremlaghirieghe. Ndekuwadie jingi ja malaghiro ghake usejikatishire.

WAEFESO 6:10

Kutua, kaienyi nandighi andenyi ya Bwana, na kwa ndighi ra kudima kwake.

1 WAKORINTHO 16:13

Chereshenyi, mangenyi kwa irumirio jenyu; mkaie na ngolo na kufunga ndighi.

WAEBRANIA 9:27

Na seji koni iwikilo kwa wandu kufwa indo jimweri, na nyuma yaro kutanywa,

WUKUMBUSO 31:23

BWANA ukammbika Joshua mwana wa Nuni kazinyi na kughamba, “Kukaie ing'oni jimange; angu kuchawingira wana wa Israeli andenyi ya ijo isanga nilaghirie nichawineka; ini nichakaia andwamweri na oho.”

2 TIMOTHEO 2:1

Idana oho mwanwapo, kaia nandighi kwa chia ya mvono ghuko andenyi ya Kristo Jesu.

1 TIMOTHEO 4:12

Mndungi usakeghumenya wudawana ghwako; ela kukaie mfwano kwa warumirii kwa chia ya madedo na tabia, kwa lukundo, kwa irumirio na wueli.

MCHILI 12:13

Kutua kwa malagho ni uku: Maza rose ramerie kusikirwa. Muobuo Mlungu na kuiwadia memu yake, angu ihi niyo kazi ya mdamu.

ZABURI 89:48

Nani udimagha kudua moyo usefo jingi? Nani udimagha kukulindia usengie kaburinyi?

AYUBU 30:23

Namanya angu kuchaningira kifonyi, andu kuwikilo kwa wandu wose wiko moyo.

AYUBU 16:22

Nyuma ya miaka mitini, nichaghenda chia nisechaawuya.

1 MALAGHO GHA NGELO 28:20

Niko Daudi ukamzera mwana wake Solomoni, “Kaia na ndighi na ngolo mbaa, kuibonye iyo kazi. Kusakeobua, hata kusekaie na kiture chingi, angu BWANA Mlungu, Uo Mlungu wapo oko andwamweri na oho. Ndechaalemwa angu kukusigha hata kazi yose ya wudumiki ghwa Hekalu yasia.

1 WAZURI 3:7

Idana ee BWANA Mlungu wapo, kwamerie kunibonya ini mdumiki wako nikaie mzuri wulalo ghwa aba Daudi niko mwanake huwu, nisemanyagha seji wandu wibonyerwagha nguma.

2 SAMUELI 10:12

Kukaie na ngolo, dilo kiwomi kwa wundu ghwa wandu wedu na kwa wundu ghwa mizi ya Mlungu odu; BWANA ndebonye ijo ujiwonagha nicha kwake.”

2 SAMUELI 12:23

Ela idana wameria kufwa, nifungiaki sena? Nidima kummbunja sena? Ini nichaghenda kwake, ela uo ndechaawuya kwapo.”

1 MALAGHO GHA NGELO 22:13

Kawona kwariwadia nicha sharia na mafundisho agho BWANA oremlaghirieghe Musa kwa wundu ghwa Israeli, kuchapata mecha. Kaia na ndighi na ngolo mbaa. Kusakeobua hata kusengilo ni kiture chingi.

1 MALAGHO GHA NGELO 22:16

ya dhahabu, feza, shaba, na chuma. Idana zoya kazi; na BWANA ndekaie na kumoni.”

1 MALAGHO GHA NGELO 28:10

Idana kukulindie, angu BWANA wakusaghue kuiaghe Hekalu yake ya Wueli. Kaia na ndighi kuiaghe kwa ngolo.”