1 SAMUELI 9:2 - Biblia Ilagho Jiboie Kwa Wandu Wose

² Mundu uo orekoghe na mwana wa womi uwangwaghwa Sauli, mdawana ughokie na ndighi; ndekorekoghe na mndungi ughokie kumchumba aghadi ya Israeli yose. Orekoghe mundu mlacha kuchumba wandu wose.

1 SAMUELI 9:2 Referans Kwoze

1 SAMUELI 16:7

Ela BWANA ukamzera Samueli, “Kusezighane fwana yake angu wulacha ghwake; kwa kukaia uo nameria kumlegha. BWANA ndezighanagha seji mdamu uzighanagha, kwa kukaia mdamu wadazighana cha shighadi ela BWANA wadazighana cha ngolonyi.”

MITALO 13:33

Aho dawiwonie Wanefilimu (Wana wa Anaki, kivalwa cha Wanefilimu) nesi dikaakuwona diweni sa weke mwapazi; nawo niko koni werediwonieghe.”

KUZOYA 6:2

wana wa Mlungu wikawiwona awo wai wa wadamu kukaia wighokie, nawo wikakusaghuya wai welowua sa iji koni werekundieghe.

JEREMIA 9:23

BWANA waghora huwu, “Mndungi uko na hikima usekukase kwa wundu ghwa hikima yake; hata mundu uko na ndighi usekukase kwa ndighi rake, hata mndungi uko mzuri wa mali usekukase kwa wundu ghwa mali rake.

1 SAMUELI 17:4

Nao mndumu uwangwagha Goliathi, wa muzi ghwa Gathi, ukafuma kambinyi ya Wafilisti, mundu uko ing'oni; wulacha ghwake ghorekoghe kaavui na meta idadu.

1 SAMUELI 9:3

Nao weke punda wa Kishi, Sauli ndee, wikalaghaya. Kishi ukamzera mwana wake Sauli, “Wada mdumiki umu mwendelola weke punda.”

1 SAMUELI 10:21

Nao ukareda kichuku cha Benjamini kaavui, kunughana na nyumba rawo, na nyumba ya Matiri ikawadwa ni kura. Kutua ukareda nyumba ya Matiri kaavui mundu kwa mundu, na Sauli mwana wa Kishi ukawadwa ni kura; ela iji werekoghe wikimlola nderedimieghe kuwoneka.

1 MALAGHO GHA NGELO 8:33

Neri ni ndee Kishi, na Kishi ni ndee Mzuri Sauli. Sauli orekoghe na wana bana: Jonathani, Malkishua, Abinadabu na Esh-baali.