1 SAMUELI 9:16 - Biblia Ilagho Jiboie Kwa Wandu Wose

¹⁶ “Kesho ngelo sa icheni ihi, nichamduma mndumu kufuma isanga ja Benjamini, na oho kuchamshinga mavuda ukaie mzuri aighu ya wandu wapo Israeli. Uchawikira wandu wapo wisekabo ni Wafilisti; kwa kukaia namerie kuwona makorongo ghawo, na kililo chawo chamerie kunivikia.”

1 SAMUELI 9:16 Referans Kwoze

1 SAMUELI 10:1

Niko Samueli ukawada chupa ya mavuda, ukamdiria Sauli chongonyi kwake; ukamsusugha ukighamba, “Nechi BWANA nuo wakushinga mavuda kupate kuwibonyera nguma wandu wake Israeli. Kuchabonya nguma aighu ya wandu wa BWANA, na oho kuchawikira wisekabo ni wamaiza wawo wiko mbai mbai yawo. Alama ewonyera kukaia BWANA wakushinga mavuda kukaia mzuri aighu ya wandu wake ni ihi:

ZABURI 106:44

Elaima, iji weremkemieghe BWANA orewisikireghe.

ZABURI 25:18

Ririkanya aighu ya kukorongwa kwapo na wasi ghwapo, kunifuye wughoma kaung'a rapo rose.

1 SAMUELI 15:1

Nao Samueli ukamzera Sauli, “BWANA orenidumieghe nikushinge mavuda kukaie mzuri aighu ya wandu wake Israeli; idana sikira seji BWANA Uwadie-Ndighi-Rose waghora.

1 SAMUELI 16:3

Kumkaribishe Jese mkanye ngelo efunya kizongona, nani nichakuwonyera seji kuchaabonya; kumshinge mavuda kwa wundu ghwapo uo mundu nichaakuwonyera.”

1 SAMUELI 16:1

BWANA ukamzera Samueli, “Kumsirimikia Sauli hata lii, na oho kwawonie kukaia ini namerie kumlegha usekaie mzuri aighu ya Israeli? Idana chura lwembe lwako mavuda, kughende Bethlehemu mzinyi kwa mundu uwangwaghwa Jese; kwa kukaia namerie kumsaghua umu wa wana wake ukaie mzuri.”

2 SAMUELI 3:18

Idana ngelo ekatisha yavika; angu BWANA oremlaghirieghe Daudi ukighamba, ‘Kwa mkonu ghwa mdumiki wapo Daudi, nichawikira wandu wapo Israeli kufuma kwa mikonu ya Wafilisti na kufuma kwa mikonu ya wamaiza wawo wose.’”

2 WAZURI 20:5

“Wuya kumzere Hezekia m'baa wa wandu wapo, BWANA uo Mlungu wa ndeyo Daudi waghora huwu: Nasikira malombi ghako na kuwona mbori rako; ola nichakuboisa na ituku ja kadadu kuchajoka Hekalunyi kutasa.

ZABURI 102:1

Sikiria ilombi japo ee BWANA, naawuyakema kunitesie.

JEREMIA 32:8

Niko wamii Hanameli ukacha kwapo aho wazenyi ya walindiri, kunughana na ilagho ja BWANA, ukanizera, ‘Ghua mbuwa yapo iko Anathothi, isanga ja Benjamini, kwa kukaia hachi eiwusa, hata eighua wori ni yako; kwa huwo kuighuo.’ Niko ngamanya kukaia loli ni BWANA oreghorieghe nani.

1 SAMUELI 14:20

Niko Sauli na wandu wose orekwanyeghe nawo, wikafuma na kungia wudenyi gholwa na Wafilisti; wikawona kukaia Wafilisti wedeeka wikibwaghana weni na weni wisemanyagha.

1 SAMUELI 14:23

Niko huwo ituku ijo BWANA ukawikira Israeli. Wuda ghukaenda imbiri hata kuida kimonu cha Beth-aveni.

MAKATANISHO 16:9

Mdamu wadakupangia chia rake moni, ela BWANA nuo umlongozagha.