1 SAMUELI 4:10 - Biblia Ilagho Jiboie Kwa Wandu Wose

¹⁰ Niko Wafilisti wikalwa kwa ndighi mbaa, wikawisima Waisraeli hata kula umu wawo ukakimbia cha mzinyi kwake. Wandu wikabwaghwa nandighi, Waisraeli wikafwa masikari elfu mirongo idadu weghenda na maghu.

1 SAMUELI 4:10 Referans Kwoze

2 WAZURI 14:12

Na Juda wikasimwa ni Israeli hata kula mundu ukaghala cha mzinyi kwake.

1 SAMUELI 4:2

Wafilisti wikakupanga kulwa na Waisraeli; hata iji wuda ghwabia, Waisraeli wikasimwa ni Wafilisti na kubwaghwa sa wandu elfu inya andu wereluyagha wuda.

WUKUMBUSO 28:25

“BWANA ucham'bonya msimo ni wamaiza wenyu; mchatumia chiaimweri mkighenda kulwa nawo, na kukimbia imbiri yawo msaghisikie chia rose; nenyo mchashinua mawuzuri ghose gha ndoenyi.

WALAWI 26:17

Nichalwa nenyo, mpate kusimwa ni wamaiza wenyu; awo wizamilwagha ni inyo, wicham'bonyera nguma; nenyo mchakimbia, ngelo mndungi usewuemmbinga.

2 SAMUELI 18:17

Nao wikammbwada Absalomu na kumkumba andenyi ya kina kibaa aho msidunyi. Wikatumbanya kitungu kibaa cha magho aighu ya icho kina; Waisraeli wose wikakimbia kula mundu mzinyi kwake.

ZABURI 78:9

Waefraimu awo werekoghe na ndana na mawanu, werekimbirieghe wudenyi.

2 MALAGHO GHA NGELO 25:22

Juda ukasimwa ni Israeli, na kula mundu ukakimbia cha mzinyi kwake.

2 MALAGHO GHA NGELO 13:17

Abija na wandu wake wikawibwagha wandu wa Israeli nandighi, wikafwa elfu maghana masanu.

1 WAZURI 22:36

Kuvika luma lwa kenyi momu ghukafunywa kwa majeshi gha Israeli ghughambagha. “Kula mundu ndewuye isangenyi kwake na mzinyi kwake.”

1 WAZURI 12:16

Nao iji wandu wose wa Israeli wawona kukaia mzuri nderewisikireghe, wikamtumbulia mzuri, “Deko na ifunguki kwa Daudi? Isi ndediwadie ifwa jingi kwa mwana wa Jese. Kula Muisraeli ndewuye cha hemenyi kwake! Wen-Daudi ndewikuzighane weni.” Niko Waisraeli wikawuka na kughenda cha hemenyi kwawo.

2 SAMUELI 20:1

Nao aeni aho Gilgali kukafumirika mndumu wa kisha-kisha uwangwaghwa Sheba mwana wa Bikri, M'benjamini; ukaikaba tarumbeta ukighamba, “Isi ndediwadie ifungu jingi kwa Daudi, hata ndediwadie ifwa jingi kwa mwana wa Jese. Kula mundu ndeghale cha hemenyi kwake ee Israeli.”

2 SAMUELI 19:8

Niko mzuri ukawuka ukaghenda na kusea kidombo kaavui na mbenge ya muzi. Wandu wose wikaghorelwa kukaia, “Mzuri wacha na kusea kidombo kaavui na mbenge ya muzi.” Wandu wose wikacha na kukaia imbiri kwake. Waisraeli wose werekoghe wakimbia kula mundu cha nyumbenyi kwake.

2 SAMUELI 18:7

Wandu wa Israeli wikasimwa ni wandu wa Daudi aho; ijo ituku, wandu wikabwaghwa elfu mirongo iwi; wandu wengi nandighi.

WUKUMBUSO 28:15

“Ela kukalegha kumsikira BWANA Mlungu wako, angu kuleghalindia kukatisha agho malaghiro ghake gha sharia rake nikulaghiragha idime, kuchawadwa ni njowe iri rose.

JEREMIA 7:12

Idana ghendenyi aho kwapo Shilo andu nerekusaghueghe kufuma imbiri, mpate kuwona seji nerekubonyereghe kwa wundu ghwa wuwiwi ghwa wandu wapo Israeli.

1 SAMUELI 3:11

Niko BWANA ukamzera Samueli, “Ola nalighisa kubonya ilagho andenyi ya Israeli, mundu uo ose uchaajisikira, jichamturusa.