1 SAMUELI 3:9 - Biblia Ilagho Jiboie Kwa Wandu Wose

⁹ Kwa huwo Eli ukamzera Samueli, “Ghenda kulale; nao ukakuwanga sena kumzere, ‘Ghora BWANA, angu ini mdumiki wako nawuyasikira.’” Niko Samueli ukawuya na kulala andu koni orekoghe.

1 SAMUELI 3:9 Referans Kwoze

KUFUMA 20:19

wikamzera Musa, “Dedanya nesi; dichasikira; ela Mlungu usakededanya nesi, dichefwa.”

ISAYA 6:8

Ngasikira lwaka lwa BWANA lukighamba, “Nimduma ani; nani ukufunyagha kughenda kwa wundu ghodu?” Niko ngaghamba, “Neko aha, nidume ini.”

ZABURI 85:8

Naawuyasikiria seji BWANA MLUNGU ughoragha; waawuyadilaghira sere isi wandu wake, iji disewurie kubonya malagho gha wukelu.

MABONYO GHA WADUMI 9:6

ela wuka kungie mzinyi, na oho kuchaghorelwa agho kuchaabonya.”

DANIELI 10:19

Nao ukanizera, “Ee mundu, Mlungu wakukunde nandighi. Kusakeobua, sere ndeikaie kwako; kukufungishe ndighi, kukaie ing'oni.” Uendaghora nani, ngapata ndighi ngaghamba, “BWANA wapo ghora, angu kwanineka ndighi.”

1 SAMUELI 3:8

BWANA ukammbanga Samueli indo ja kadadu. Nao ukawuka ukaghenda kwa Eli ukamzera, “Nacha seji kwaniwanga.” Niko Eli ukamanya kukaia ni BWANA wawuyammbanga uja mwana.

1 SAMUELI 3:10

Nao BWANA ukacha ukakaia kimusi na kummbanga sena, “Samueli! Samueli!” Niko Samueli ukadika, “Ghora BWANA angu mdumiki wako nawuyasikira.”

JOSHUA 5:14

Uja mundu ukamtumbulia, “Hata. Ini nacha, ne m'baa wa majeshi gha BWANA.” Nao Joshua ukaghwa kiwushu-wushu na kudunga chongo chake andonyi. Ukatasa ukighamba, “Bwana wapo wakunde ini mdumiki wake nibonye wada?”

ZABURI 85:9

Loli oko tayari kuwikira awo wimuobuagha, eri wubaa ghwake ghupate kudua isangenyi kodu.