1 SAMUELI 23:2 - Biblia Ilagho Jiboie Kwa Wandu Wose

² Daudi ukamlomba BWANA ukighamba, “Welee, nighende kulwa na awo Wafilisti?” BWANA ukamzera, “Ghenda kuwikabe awo Wafilisti, kughukire muzi ghwa Keila.”

1 SAMUELI 23:2 Referans Kwoze

1 SAMUELI 23:4

Niko Daudi ukamkotia BWANA sena. Na BWANA ukamzera, “Wuka kusee cha Keila, kwa kukaia nichakubonya kuwisime Wafilisti.”

2 SAMUELI 5:23

Hata iji Daudi oremlombieghe BWANA ukamtumbulia, “Kusejoke; ela kuwimare chia ya nanyuma, kuwijokie na iyo chia ilangayagha miforosadinyi.

2 SAMUELI 5:19

Daudi ukamlomba BWANA. “Welee, nijoke nilo na Wafilisti? Kuwingira mikonunyi kwapo?” BWANA ukamtumbulia Daudi, “Joka, angu kwa loli nichawingira Wafilisti mikonunyi kwako.”

JEREMIA 10:23

Naichi ee BWANA, mdamu ndeghendagha kwa kudima kwake moni anduangi, hata ndekuwadie mdamu ungi udimagha kughenja mighendo yake moni.

1 SAMUELI 30:8

Daudi ukamlomba BWANA ukighamba, “Wele BWANA, niwinughe awa wandu? Nidima kuwiwada?” BWANA ukamtumbulia, “Winughe; loli kuchawiwada sena kuvuvuo wandu wako.”

1 SAMUELI 23:6

Ngelo Abiathari mwana wa Ahimeleki orekimbiagha cha kwa Daudi aja Keila, oredwaeghe naivera.

JOSHUA 9:14

Niko wandu wa Israeli wikarumiria kwa wundu ghwa vindo vawo, ela ndewerelolieghe njama kwa BWANA anduangi.

ZABURI 32:8

BWANA waghamba, “Nichakuwonyera na kukufundisha seji ikufwanagha kughenda, nichakuneka njama na kukuzighana.

1 MALAGHO GHA NGELO 14:10

Daudi ukamkotia Mlungu, “Wele niwingirie Wafilisti? Kuchanipatira wusimi?” BWANA ukamzera, “Wingirie, nichakupatira wusimi.”

WATANYI 1:1

Nyuma ya kifwa cha Joshua, wandu wa Israeli wikamkotia BWANA, “Nani uchaakaia wa imbiri kujoka kwa wundu ghodu kulwa na Wakanaani?”

MITALO 27:21

Nao uchakaia ukimghendia mkohani Eleazari, uo uchaakaia ukimzighaniria maza rake kwa Urimu imbiri yapo. Agho uchaakaia ukighora, nigho gheni Joshua na izungu jose ja wandu wa Israeli wichaakaia wikibonya.”

1 SAMUELI 10:22

Niko wikamkotia BWANA sena wikighamba, “U mundu sena wacha aha?” BWANA ukatumbulia, “Sauli hoyo waakuvisa a misigonyi.”

1 SAMUELI 23:3

Ela wandu wa Daudi wikamzera, “Wele aeni aha Juda daawuyaobua, ni kuchumba saki iji daghenda Keila kulwa na majeshi gha Wafilisti?”

2 SAMUELI 2:1

Nyuma ya agho Daudi ukamkotia BWANA, “Nijoke nikaie andenyi ya ghumu ghwa mizi ya Juda?” BWANA ukaghamba, “Joka.” Daudi ukakotia, “Nijoka muzi ghuao?” BWANA ukaghamba, “Muzi ghwa Hebroni.”

1 SAMUELI 14:37

Nao Sauli ukamkotia Mlungu ukighamba, “Welee, niwiserie Wafilisti? Kuchawifunya wikabo ni Waisraeli?” Ela ijo ituku Mlungu nderemtumbulieghe anduangi.