1 SAMUELI 22:5 - Biblia Ilagho Jiboie Kwa Wandu Wose

⁵ Mlodi Gadi ukacha na kumzera Daudi, “Kusesindekuvisa aha, ghenda cha isanga ja Juda.” Niko Daudi ukafuma aho ukaghenda na kungia msidu ghwa Herethi.

1 SAMUELI 22:5 Referans Kwoze

2 MALAGHO GHA NGELO 29:25

Mzuri ukawika Walawi andenyi ya Hekalu ya BWANA wiko na banjo, na vinubi na zeze; kunughana na malaghiro gha BWANA oremlaghirieghe Daudi ukimtumia mmboni wa mzuri Gadi, na mlodi Nathani; angu agho malaghiro ghedefuma kwa BWANA ghikiidiria kwa walodi wake.

1 MALAGHO GHA NGELO 29:29

Mabonyo gha Mzuri Daudi kufuma kuzoya hata kutua ghaandikilo chuonyi cha Malagho gha Ngelo cha mlodi Samueli, na gha Malagho gha Ngelo cha mlodi Nathani, na cha Malagho gha Ngelo cha mlodi Gadi

1 MALAGHO GHA NGELO 21:9

Niko BWANA ukaghora na Gadi mlodi wa Daudi ukighamba,

2 SAMUELI 24:11

Nao imbiri Daudi usewukie nakesho, ilagho ja BWANA jerekoghe jamchea mlodi Gadi, uo orekoghe mmboni wa Daudi, jikighamba,

1 SAMUELI 22:4

Nao ukawisigha wavi wake kwa mzuri wa Moabu, nawo wikakaia aho matuku ghose Daudi orekoghe ukikuvisa.

2 SAMUELI 23:14

Ngelo iyo Daudi odeeka ukikuvisa, na ngome ya Wafilisti edeeka aja Bethlehemu.

ZABURI 63:1

Ee Mlungu, oho ko Mlungu wapo, nani nakaia na bea na oho. Nakaia na kau mbaa na oho, karakara na isanga jiomie jisewadie machi.

1 MALAGHO GHA NGELO 11:16

Ngelo iyo Daudi orekoghe ngomenyi, na majeshi gha Wafilisti gherekoghe Bethlehemu.