1 SAMUELI 20:3 - Biblia Ilagho Jiboie Kwa Wandu Wose

³ Ela Daudi ukatumbulia, “Ndeyo waichi putu kukaia oho dakundane, nao waawuyaririkanya kukaia Jonathani ukamanya ilagho iji, uchakaia na wasi. Ela kughora loli, naghema kwako kwa irina ja BWANA uko moyo, naasighwa mlambo ghumweri tu aghadi yapo na kifwa.”

1 SAMUELI 20:3 Referans Kwoze

2 WAZURI 2:6

Elija ukamzera, “Nakulomba kukaie aha kwa kukaia BWANA waniduma nighende Jordani.” Ela ukatumbulia, “Naghema kwa Mlungu uko moyo, na kwa oho, kukaia, sichaakusigha anduangi.” Wikachuria kughenda imbiri wose wawi.

1 SAMUELI 27:1

Daudi ukaghamba ngolonyi kwake, “Ituku jimu wanidu nibwaghwa ni Sauli. Ndekuwadie ilagho jingi izima jinitesiagha kuchumba kukimbia cha kwa Wafilisti; aho niko Sauli uchaakoja kuninugha andenyi ya isanga ja Israeli, nani nichakaia banana.”

1 SAMUELI 25:26

Idana bwana wapo, sa iji BWANA ukaiagha moyo, na sa iji koni roho yako ikaiagha moyo, nawona kukaia BWANA wakughiria kusebonye kiwiwi chedia bagha, hata kulipia kisasi chingi kwa mkonu ghwako ghoni. Kwa huwo, awo wamaiza wako, na wose wikundagha kukubonya kiwiwi, ndewikabo sa Nabali.

WUKUMBUSO 6:13

Kumuobuo BWANA Mlungu wako, kumdumikie, na kubonya ighemi kwa irina jake.

2 WAZURI 2:4

Elija ukamzera Elisha, “Idana nakulomba kukaie aha, kwa kukaia BWANA waniduma nighende Jeriko.” Ela ukatumbulia, “Naghema kwa Mlungu uko moyo, na kwa oho, kukaia, sichaakusigha anduangi.” Niko wikasea cha Jeriko.

2 WAZURI 2:2

Elija ukamzera Elisha, “Kaia aha, kwa kukaia BWANA waniduma nighende Betheli.” Ela Elisha ukaghamba, “Naghema kwa Mlungu uko moyo, na kwa oho, kukaia, sichaakusigha anduangi.” Wikaseanya wose cha Betheli.

1 SAMUELI 1:26

Nao Hana ukaghamba, “Ee bwana wapo, sa iji koni kukaiagha moyo bwana wapo, ini ne uja muka nerekaieghe kimusi aha imbiri kwako ngimlomba BWANA;

WAEBRANIA 6:16

Loli wandu wadaghema kwa umu uko m'baa kuwichumba, na nganyi rawo rose radamerelwa na kumangishwa kwa chia ya ighemi.

JEREMIA 38:16

Niko Mzuri Zedekia ukanibonyera ighemi kivisonyi ukighamba, “Naghema kwa BWANA ukaiagha moyo, uo uumbie roho redu, sichaakubwagha, hata sichaakungira mikonunyi kwa awa wandu wijilolagha irangi jako.”

JEREMIA 4:2

kwadima kughema kwa irina japo, ‘Sa iji BWANA ukaiagha moyo,’ kwa wuloli, na kwa hachi, na kwa ngolo ya loli; na iro mbari ra wandu richanilomba irasimio na kunikasa ini.”

ZABURI 116:3

Kwa chia rose nedeeka ndengonyi ya kufwa; wowa ghwa kaburi ghorenipatireghe; ngachulwa ni wowa na kukambwa ni chongo.

2 SAMUELI 15:21

Ela Itai ukamtumbulia mzuri, “Naghema kwa irina ja BWANA na ja mzuri andu bwana wapo mzuri uchaakaia, ngera ni kwa kifwa angu kudua moyo, aho niko na ini mdumiki wako nichaakaia wori.”

1 SAMUELI 17:55

Nao iji Sauli wammbona Daudi ukimghendia Goliathi, ukamzera Abneri uo orekoghe m'baa wa majeshi, “Abneri, aka kamdawana-lee ni kani?” Abneri ukatumbulia, “Sa iji roho yako iko moyo ee mzuri, simanyire.”

WUKUMBUSO 28:66

Irangi jenyu jichakaia ndengonyi ngelo rose, nenyo mchachulwa ni kiture kio na dime; mchakaia mkiobua kifwa ngelo rose.

1 SAMUELI 20:2

Jonathani ukatumbulia, “Agho ndeghikaie kula; ndekufwagha kungi. Ola Aba ndenivisagha ilagho jingi, jikaiagha ibaa angu itini. Idimika wada Aba univise ilagho sa iji; huwo siko kungi.”

1 SAMUELI 20:4

Niko Jonathani ukaghamba, “Ini nichabonya ilagho ijo jose kuchaanizera nikubonyere.”