1 SAMUELI 2:5 - Biblia Ilagho Jiboie Kwa Wandu Wose

⁵ Awo werekoghe wighudie wabonya vibarua wipate vindo, ela awo werekoghe na njala waghuda. Kolowi wavae wana mfungade, ela uo muka uvae wana wengi wasighwa duu.

1 SAMUELI 2:5 Referans Kwoze

LUKA 1:53

Awa wiko na njala wawighudisha na vindo vicha, na wazuri wawisigha mikonu miduu.

ZABURI 113:9

Wadam'bonyera ishima muka kolowi mzinyi kwake; wam'bonya uboilo kwa kumneka wana. BWANA ndekaso!

JEREMIA 15:9

Muka orevaeghe wana mfungade uchasilwa ni ngolo na kudumbuka; uchaserelwa ni kira nadime; wafushwa waya na kusowelwa ishima. Awo wisigharikie wichabwaghwa wudenyi, na kughwa imbiri ya wamaiza wawo,” waghamba BWANA.

ZABURI 34:10

Wana wa shimba wasowagha wikaie njala, ela awo wimlolagha BWANA, ndewisowagha kindo chingi chiboie anduangi.

LUKA 16:25

“Ela Abrahamu ukamtumbulia, ‘Mwanwapo, kumbuka seji korekoghe kukikaia ndoenyi; korepatireghe maza rako ndicha, na Lazaro wokoni orepatireghe rizamie, nao idana uo aha wahoreshwa na oho kuatirirwa.

ISAYA 54:1

BWANA waghamba, “Bora ee Jerusalemu, kuko sa muka uko kolowi, bora nandighi kwa kuboilwa, oho jingi kusekumbie lufu! Wana wako wichakaia wengi, kuchumba wa muka ulowolo.

1 SAMUELI 1:6

Penina ukakaia ukisimana nao, ukimsua na kumjisha wasi; angu BWANA oremfungieghe useve wana.

1 SAMUELI 1:20

ukapata kifu kwa ngelo yaro, nao ukava mwana wa womi, ukammbanga irina jake Samueli, angu oreghambieghe, “Uhu neemlomba kwa BWANA.”

WAGALATIA 4:27

Angu yaandikilo, “Boilwa ee kolowi kusevagha; funya lwaka kukeme kwa kuboilwa oho kusekumbagha lufu, angu wana wa uo uleghelo ni wengi, kuchumba wana wa uo ukwanye na mumi.”

RUTHU 4:15

Uchakubonya kukaie na ndighi mbishi, na kukuhoresha ngelo ya wukeku ghwako; angu mka-mwanwako uo uvae mwana, wakukunde; nao waboie kuchumba wana wa womi mfungade.”

ISAYA 33:9

Isanga jeewuya ja wasi, jiasia; msidu ghwa Lebanoni ghoonyaya na kunoneka, Sharoni eeka sa ikara; hata aho Bashani na Mghondi ghwa Karmeli midi eewadwa ni pambari na kupotua malemba.