1 SAMUELI 2:3 - Biblia Ilagho Jiboie Kwa Wandu Wose

³ Msedede malagho gha kukukasa sena, kukuduka kungi kusefume memunyi konyu; angu BWANA ni Mlungu wa kumanya, na uo wadaghipima mabonyo ghose.

1 SAMUELI 2:3 Referans Kwoze

MAKATANISHO 8:13

Kuobua kwa BWANA ni kuzamilwa ni wuwiwi, Nadazamilwa ni kukuduka na kukukasa, na chia mbiwi na kudeda kisha.

1 WAZURI 8:39

kusikire aighu kwako mlungunyi kukaiagha, kufuye wughoma, kum'bonyere kula mundu kunughana na mabonyo ghake ghose, kwa kukaia kwaichi ngolo yake; (angu ni oho kuekeri kuichi ngolo ra wandu wose.)

MAKATANISHO 24:12

Mkaghamba wei ndemmanyire ilagho jingi, muaghesha uo upimagha ngolo ra wandu ndewuewona? Huwo uo umanyagha ngolo renyu ndewuemanya? Huwo ndechaalipa mundu karakara na kazi rake anguwada?

WAEBRANIA 4:12

Angu ilagho ja Mlungu jeko moyo, sena jawadie ndighi, sena jakalie kuchumba lufu lukalie chia rose; najo jadunga na kuvikia irangi na roho, hata kuvikia mawungo na wusuchi; jikitambua maghesho na maririkanyo gha ngolo.

MAKATANISHO 16:2

Mdamu wadawona chia rake rose kukaia ni ndicha, ela BWANA nuo uichi ngolo.

ISAYA 37:23

Nani kusindemmenya na kumsholia? Nani kusindemdokia-dokia huwu? Nani kusindemzighana kwa lumenyo? Kodeeka kukinibonyera huwo ini Mlungu, Mweli wa Israeli!

ZABURI 147:5

BWANA odu ni m'baa, uwadie ndighi; hikima yake ndeipimikagha.

ZABURI 94:4

Wabonyi kiwiwi wadeda malagho ghawo gha kukukasa, wose weechulwa ni kukukasa.

ZABURI 44:21

ndekoremanyagha e kuichi ngasu rose ra ngolo ee Mlungu?

AYUBU 31:6

Mlungu ndenitanye kwa hachi, nao uchawona kukaia siwadie ikosa jingi.

1 SAMUELI 16:7

Ela BWANA ukamzera Samueli, “Kusezighane fwana yake angu wulacha ghwake; kwa kukaia uo nameria kumlegha. BWANA ndezighanagha seji mdamu uzighanagha, kwa kukaia mdamu wadazighana cha shighadi ela BWANA wadazighana cha ngolonyi.”

WUFUNUO 2:23

sena nichawibwagha wanughi wake. Na makanisa ghose ghichamanya angu ni ini nirizighanagha ngolo na maghesho gha wandu; nani nichamlipa kula umu onyu karakara na kazi rake.

MALAKI 3:13

“Mwadedie kiwiwi aighu yapo, Ela sena mwaawuyaghamba, ‘Dadedie kiwiwi aighu yako wada?’

DANIELI 5:27

TEKEL: kutambua kwaro kwameria kupimwa aighu ya ratili na kuwoneka kwaangue nandighi.

DANIELI 4:37

Idana ini Nebukadnezari, nadamkasa, na kumkuma, na kumneka ishima Mzuri wa mlungunyi; angu kazi rake rose ni ra loli, na chia rake ni ra hachi. Wandu wose wighendagha kwa kukukasa, oko na ndighi ra kuwisera.”

JEREMIA 17:10

Ni ini BWANA nizighanagha nia na kuitima ngolo; nipate kumlipa kula mundu kara kara na chia rake, karakara na mabonyo ghake.”

ISAYA 26:7

Chia ya mundu wa hachi yaghokie, Oho Mlungu kwadaidenderesha chia ya mhachi.

ZABURI 17:10

Ndewine wughoma, wiadeda kwa lubando.

ZABURI 31:18

Wandu wa tee ndewinyamiro; waawuyadeda lung'eto aighu ya wahachi kwa lubando na lumenyo.

ZABURI 75:5

Nadawizera wisighe kukujosa na kudeda kwa lubando wikukasire.”

JOSHUA 22:22

“Uo-Uwadie-Ndighi ni Mlungu, uo nuo BWANA! Uo-Uwadie-Ndighi ni Mlungu, Uo nuo BWANA! Uo wamanya kwaki dibonyere huwo, nesi dakunda na Israeli cheni imanye! Ikakaia dighalukie dikasigha kumrumiria BWANA, msedisighe kukaia moyo sena!

WATANYI 9:38

Niko Zebuli ukamzera, “Oke seji kooghambagha wei, Abimeleki nani hata dimdumikie? Welee, Awa siwo weni wandu korewimenyagha? Oke fuma idana kulo nawo.”

EZEKIELI 35:13

Mkakukasa mkideda malagho mengi aighu yapo nani ngasikira.”