1 SAMUELI 19:4 - Biblia Ilagho Jiboie Kwa Wandu Wose

⁴ Nao Jonathani ukamghora Daudi nicha kwa ndee Sauli, ukimzera, “Mzuri usebonye kaung'a kwa kum'bonyera mdumiki wako Daudi wuwiwi ghungi, angu nao moni ndekubonyere kaung'a ingi, na mabonyo ghake ghiboie gheekutesia oho;

1 SAMUELI 19:4 Referans Kwoze

JEREMIA 18:20

Welee, wuwiwi ghwalipwagha kwa wundu ghwa wucha? Sena hata hoku wanikotera kina winikumbe andenyi. Kumbuka seji nerechieghe kwako ngiwilombia, eri kusighe kukaia na machu nawo.

KUZOYA 42:22

Reubeni ukawitumbulia, “Seremzerieghe msakem'bonya mwana kiwiwi chingi, ela mkalegha kusikira? Wonenyi idana bagha yake yawuyalawia.”

MAKATANISHO 17:13

Mundu ukalipa kiwiwi kwa nicha, kiwiwi ndechichaafuma nyumbenyi kwake.

1 SAMUELI 20:32

Jonathani ukamtumbulia ndee Sauli, “Ubwaghilwaki, wabonya wada?”

ZABURI 35:12

Wanilipa mawiwi kwa mecha, nani nafwa ngolo putu.

1 SAMUELI 22:14

Ahimeleki ukatumbulia mzuri, “Nechi Daudi nuo urumirikie aghadi ya wabaa wako, sena ni mghosi wako na m'baa wa masikari ghekulindia, sena unekelo ishima nyumbenyi kwako.

1 WAKORINTHO 8:12

Na huwo, kwa kuwibonyera wanyinyu kaung'a na kurishoghonua nia rawo ra wunyonge, kwam'bonyera kaung'a Kristo.

2 MALAGHO GHA NGELO 6:22

“Iji mundu wam'bonyera mmbao kaung'a, nao ikaie uaghemeshwa ukacha na kubonya ighemi jake imbiri ya madhabahu yako andenyi ya Hekalu ihi,

1 SAMUELI 2:25

Mundu ukam'bonyera mdamu kaung'a uchadederelwa ni Mlungu, ela mundu ukam'bonyera Mlungu kaung'a, nani uchaamdederia?” Ela waja wana ndeweremsikireghe ndee kwa kukaia Mlungu odeeka na mpango ghowibwagha.

KUZOYA 9:6

Mdamu oreumbiloghe kufwanana na Mlungu, kwa huwo uo ose uchaidia bagha ya mdamu, bagha yake ichadilwa ni mdamu wokoni.

1 JOHANE 3:15

Mundu uzamilwagha ni mruna ni m'bwaghi-wandu, nenyo mwamanya ndekuwadie m'bwaghi-wandu ungi uko na irangi ja kala na kala jikaiagha andenyi kwake anduangi.

ZABURI 59:4

Sibonyere ikosa jingi, ela weekunda kuningiria. Wuka kuwone, kunitesie.