1 SAMUELI 13:5 - Biblia Ilagho Jiboie Kwa Wandu Wose

⁵ Nao Wafilisti wikakwanyika na kukuwika tayari kulwa na Waisraeli. Werekoghe na magare elfu mirongo idadu, na wajoki farasi elfu irandadu, na masikari mazima wengi sa msangagha ghwa baharinyi. Wikajoka na kubonya kambi yawo aja Mikmashi, mashariki ya Beth-aveni.

1 SAMUELI 13:5 Referans Kwoze

1 SAMUELI 14:23

Niko huwo ituku ijo BWANA ukawikira Israeli. Wuda ghukaenda imbiri hata kuida kimonu cha Beth-aveni.

JOSHUA 11:4

Wikacha na masikari ghawo ghose, ijeshi ibaa ja wandu wengi na ndighi sa msangagha ghwa baharinyi wiko na farasi na magare mengi.

JOSHUA 18:12

Ii chia cha kaskazinyi, mpaka ghwawo ghukazoia Jordani na kujokeria luwarunyi kaskazinyi ya Jeriko, na kuida cha magharibi kuidiria isanga ja mighondinyi hata kireti cha Beth-aveni.

HOSEA 10:5

Wandu wikaiagha muzi ghwa Samaria wichaobua na kulila kwa wundu ghwa mlimu ghwa ngache ya dhahabu ghwa Beth-aveni. Wandu awo chiaimweri na wakohani wighudumikiagha wichalila kwa kuwona wubaa ghwaro seji ghwainjwa.

HOSEA 5:8

Kabenyi tarumbeta ya wuda aho Gibea! Kabenyi ndereri aho Rama! Kemenyi ngemi ya wuda aho Beth-aveni! Ngienyi wudenyi inyo wandu wa Benjamini.

HOSEA 4:15

“Hata ngera inyo wandu wa Israeli mwasowa wuloli kwapo, Juda usebonye kaung'a sa inyo. Msebonye wutasi aho Gilgali, hata Beth-aveni; sena msebonye ilaghiro mkighamba, ‘Naghema kwa BWANA uko moyo.’

JEREMIA 15:8

Nachurie mtalo ghwa waka wawo wifuilo ni womi, wikakaia wengi kuchumba msangagha ghwa baharinyi. Nawiredia weke mao wasi kwa wundu ghwa wana wawo, kwa kuwiredia mtoteshi ngelo ya dimeghadi; Nabonyere kuwawa na wowa ghuwichee ghafla.

ISAYA 48:19

Kivalwa chako kumangu chakaia sa msangagha, ee, sa shangagho ra msangagha ghwa bahari; marina ghawo kumangu na jingi ndegherevutwagha hata kutoteshwa imbiri kwapo anduangi.”

2 MALAGHO GHA NGELO 1:9

Ee BWANA Mlungu katisha ilaghiro jako idana ijo koremlaghirieghe aba Daudi; angu oho kwanibonyere nikaie mzuri aighu ya wandu wengi wisetalikagha.

WATANYI 7:12

Wamidiani, Waamaleki, na wandu wose wa Mashariki werekoghe wachua vololonyi sa zighe kwa wungi ghwawo; na ngamila rawo rerekoghe nyingi risetalikagha, nyingi sa masangagha ghwa pwani kwa wungi ghwaro.

JOSHUA 7:2

Joshua ukaduma wandu kufuma Jeriko wighende Ai, muzi ghuko cha mashariki ya Betheli kaavui na Beth-aveni ukighamba, “Jokenyi mzighane jija isanga.” Wandu wikaghenda wikajizighana ijo isanga.

KUZOYA 22:17

nichakurasimia nandighi, nani nichachichuria kivalwa chako sa wungi ghwa nyerinyeri ra mlungunyi, na sa msangagha ghuko mbai-mbai ya bahari, na kivalwa chako chichawisima wamaiza wawo.

WAROMA 9:27

Isaya nao waghora kwa lwaka lubaa aighu ya Israeli ukighamba, “Hata ngera mtalo ghwa wana wa Israeli ni sa msangagha ghwa baharinyi, ela ni awo watini tu wichaasigharika niwo wichaakia.

1 SAMUELI 7:13

Kwa huwo Wafilisti wikasimwa ni Waisraeli, hata ndewerewurieghe kungia andenyi ya mano ya Israeli sena. BWANA ukawineka Waisraeli wusimi aighu ya Wafilisti matuku ghose gha Samueli.

1 SAMUELI 13:2

Nao Sauli ukasaghua wandu elfu idadu. Uo moni ukakaianya na wandu elfu iwi aho Mikmashi na isanga ja mighondinyi ja Betheli; na wandu elfu imweri wikakaianya na Jonathani aja Gibea ya kichuku cha Benjamini; na wandu wazima wose ukawizera wighale kula mundu cha mzinyi kwake.

1 SAMUELI 13:11

Samueli ukamzera, “Kwabonya wada?” Sauli ukatumbulia, “Niendawona wandu wazoya kusasarika na kunisigha, na ii chia nako oho ndekuchee andenyi ya agho matuku korelaghirieghe, sena na Wafilisti wakwanyika Mikmashi,

1 SAMUELI 17:1

Nao Wafilisti wikakwanya majeshi ghawo kwa wuda aja Soko, nagho ni muzi ghwa Juda. Wikabonya kambi ghadi na ghadi ya Soko na Azeka andu kuwangwagha Efesi-Damimu.

2 SAMUELI 17:11

Kwa huwo mawoni ghapo ni agha, Waisraeli wose wikwanyike chiaimweri a kwako, kufuma Dani hata Beer-sheba, wengi sa msangagha ghwa baharinyi, na oho kumoni kughendanye nawo wudenyi.

1 WAZURI 20:27

Wandu wa Israeli wikakutumbanya na kukuwika tayari; wikafuma kwendalwa nawo. Wandu wa Israeli wikabonya kambi ya wandu watini sa maranu awi gha mburi, ela Wasiria wikachura isanga jose.

ISAYA 10:28

Majeshi gha mredi wuda ghajoka kufuma Rimoni, na kungia Ayathi! Waidiria aghadi ya Migroni na kuwika vilambo vawo aja Mikmashi.

1 SAMUELI 14:52

Sauli orekoghe ukilwa na Wafilisti irangi jake jose, na kula ngelo, iji oremmbonieghe mndungi uko ing'oni jiwadie ndighi, orekoghe ukimsaghua na kum'bonya ukaie asikari wake.