1 SAMUELI 13:4 - Biblia Ilagho Jiboie Kwa Wandu Wose

⁴ Waisraeli wose wikaghorelwa kukaia Sauli wakabie wandu wa ngome ya Wafilisti, nawo waawuyazamilwa ni Waisraeli. Niko Waisraeli wikafuma kuwadana na Sauli aja Gilgali.

1 SAMUELI 13:4 Referans Kwoze

KUZOYA 34:30

Nao Jakobo ukawizera Simeoni na Lawi, “Mwaniredia wasi na kuninona kwa wandu wa isanga iji, Wakanaani na Waperizi. Wandu wapo ini ni wandu watini, na wandu awa wikakukwanya chiaimweri kulwa na ini, wichanitotesha andwamweri na nyumba yapo yose.”

KUFUMA 5:21

wikawizera, “Bwana ndemzighane utanye, kwa kukaia mwadibonya diwoneke wakosi kwa Farao na wadumiki wake, nenyo mwawibonya wipate sababu edibwagha.”

ZEKARIA 11:8

Andenyi ya mori ghumweri, ngachumbana na walisha wadadu werezamiloghe ni ini, dikasighana.

1 SAMUELI 10:8

Na oho kunikirie cha Gilgali, nani nichacha ahoeni nipate kufunya vizongona vekora, na vizongona va mafunyo gha mapatano. Kuniweserie kwa matuku mfungade hata nacha, nani nichakuwonyera agho ghikufwanagha kughibonya.”

JOSHUA 5:9

BWANA ukamzera Joshua, “Idime iji nameria kuinja na mbai agho masholio morebonyerwagha ni Wamisri.” Niko andu aja kukawangwa Gilgali, hata idime.

KUZOYA 46:34

kukaia kazi yenyu ni elisha mfugho kufuma wanake ghonyu hata idana, sa iji koni weke ndeyo werebonyagha. Mkaghora huwo niko mchaadima kujikaia iji isanga ja Gosheni.” Kwa kukaia mundu ose uko mlisha wadazamia Wamisri.

2 SAMUELI 10:6

Nao iji Waamoni wawona kukaia wamvavira Daudi, wikakodesha Wasiria wa Beth-rehobu, na Wasiria wa Soba, masikari gheghenda na maghu elfu mirongo iwi, na mzuri wa Maaka ukacha na masikari elfu imweri, na wandu wa Tobu elfu ikumi na iwi.

1 SAMUELI 27:12

Nao Akishi ukamrumiria Daudi ukiririkanya, “Wamerie kukubonya moni uzamie wandu wa Israeli putu; kwa huwo uchadua mdumiki wapo matuku ghose.”