1 SAMUELI 10:7 - Biblia Ilagho Jiboie Kwa Wandu Wose

⁷ Kukameria kuwona alama iri rose, kubonye ijo jose kwasikira kujibonya, kwa kukaia Mlungu oko andwamweri na oho.

1 SAMUELI 10:7 Referans Kwoze

WATANYI 6:12

Malaika wa Bwana ukamfutukia ukamzera, “BWANA oko andwamweri na kumoni, oho ing'oni jiwadie ndighi.”

LUKA 2:12

Na ihi niyo alama emmbonyera, mchakiwona kana kakoo karighirilwa nguwo ra kiwanake, kararishwa andu mfugho rijiagha kiwandenyi.”

JOSHUA 1:5

Ndekuwadie mndungi uchaakusima matuku ghose gha irangi jako. Sa iji koni nerekaieghe andwamweri na Musa, huwo koni nichakaia andwamweri na oho; sichaakupungukia hata sichaakusigha anduangi.

WAEBRANIA 13:5

Msakekaia na irangi jelaka na pesa, ela mkato ni ivo veni muko navo; angu Mlungu waghambie, “Na jingi sichaakusowia, hata kukusigha anduangi.”

ISAYA 7:14

Kwa huwo, Bwana moni uchamneka alama. Ola, mwai uchakaia na kifu, uve mwana wa womi, na irina jake uchawangwa Immanueli.

KUFUMA 4:8

BWANA ukaghamba, “Iji wakaia wisekurumirie hata kukusikira kwa mwakilimbiti wa imbiri, yadimika wikurumirie kwa uhu wa kawi.

MATHAYO 28:20

mkiwifundisha kughiwadia agho ghose neremlaghirieghe. Nani olenyi neko andwamweri nenyo hata kukatia kwa ngelo.”

MCHILI 9:10

Ijo jose kujibonyagha, bonya kwa kufunga ndighi; kwa kukaia ndekuwadie kazi ingi, angu ighesho jingi, angu kumanya kungi, hata hikima ingi andenyi ya wurumwengu ghwa wafu kwawuyakughendia.

WATANYI 9:33

Hata nakesho iruwa jikabuka, kuwuke kungie mzinyi shwa-shwa, na iji uo chiaimweri na wandu wikwanye wakufumia, kuchawikaba seji kuchaadima.”

WUKUMBUSO 20:1

“Mkakaghenda wudenyi kulwa na wamaiza wenyu, nao mmbone farasi, magare, na ijeshi ibaa kuchumba jenyu, msewiobuo; BWANA Mlungu onyu uo oremfunyireghe isanga ja Misri oko andwamweri nenyo.

KUZOYA 21:20

Mlungu ukakaia andwamweri na uo mwana, ukazoghua ukikaia kireti; nao ukawuya ing'oni jekumba ndana.

JOHANE 6:14

Waja wandu wiendawona uo mwakilimbiti orebonyekieghe wikaghamba, “Kwa loli uhu nuo uja Mlodi uchagha wurumwengunyi.”

MATHAYO 1:23

“Ola mwai uchakaia na kifu nao uchava mwana wa womi, nao uchawangwa Immanueli” (kutambua kwaro ni, “Mlungu andwamweri nesi”).

1 SAMUELI 2:34

Na alama ekuwonyera wuloli ghwa maza iri ni ihi: wana wako wawi, Hofni na Finehasi, wichafwa wose kwa ituku jimweri.

JOSHUA 1:9

Nechi nakulaghira too. Kukaie na ndighi sena kukaie ing'oni; kusakeobua hata kufwa ngolo, angu Ini BWANA Mlungu wako, nichakaianya na oho andu kose kuchaaghenda.”

1 SAMUELI 3:19

Samueli ukazoghua, na BWANA ukakaia andwamweri nao, hata nderesighieghe ilagho jingi jake usejikatishire anduangi.

1 SAMUELI 20:13

Nako ngawona kukaia nia yake ni ekubonya kiwiwi, Mlungu unibonye kiwiwi na kuchumba, ngakaia nisechee kukumanyisha, na kukubarisha eri kughende na sere. BWANA ukaie nakumoni sa iji koni orekaieghe na aba.

2 SAMUELI 7:3

Nathani ukamzera, “Bonya agho kuwonagha nicha angu BWANA oko andwamweri na oho.”

AYUBU 31:25

Jingi sikukasire angu wei niko na mali nyingi, iro niripatire kwa wungi.