1 SAMUELI 1:3 - Biblia Ilagho Jiboie Kwa Wandu Wose

³ Elkana orekoghe ukijoka Shilo kufuma mzinyi kwake kula mwaka, upate kumtasa BWANA wa majeshi, na kumfunyira kizongona andu wakohani wa BWANA, waja wana wawi wa Eli, Hofni na Finehasi werekoghe.

1 SAMUELI 1:3 Referans Kwoze

LUKA 2:41

Wavi wake werekoghe wikighenda Jerusalemu kula mwaka kwa Ndima ya Pasaka.

JOSHUA 18:1

Hata iji wameria kusima isangenyi, izungu jose ja wandu wa Israeli jikakwanyika Shilo na kuidunga iyo Hema Ekwania.

KUFUMA 34:23

“Wandu wako wa womi wichacha kunitasa mando adadu kwa mwaka, Ini BWANA Mlungu, wa Israeli.

KUFUMA 23:14

“Kula mwaka kubonye ndima idadu kwa ishima japo.

1 SAMUELI 1:21

Nao uo mundu Elkana na wandu wake wose wikajoka sena kufunya kizongona cha kula mwaka, na kulipa malipo gha ighemi jake.

1 SAMUELI 1:9

Hata iji wameria kuja na kunywa aho Shilo, Hana ukawuka. Na uja mkohani Eli orekoghe wasea kidombo kifumbinyi mbai na mbai ya mnyango ghwa Hekalu ya BWANA.

WUKUMBUSO 16:16

“Wandu wenyu wose wa womi wichaghenda kumtasa BWANA Mlungu onyu mando adadu kwa mwaka, andu BWANA uchaakusaghua. Ngelo ya Ndima ya Mikate isewadie Chachu, na ngelo ya Ndima ya Makuwido, na ngelo ya Ndima ya Viwanda. Wiseghende kumtasa BWANA mikonu miduu.

WATANYI 18:31

Niko aho wikaiwika ija milimu erebonyeroghe ni Mika ngelo rose nyumba ya Mlungu erekoghe ikikaia Shilo.

ZABURI 78:60

Oresighieghe Shilo andu kwake kokaia, ukasigha iyo hema andu orekoghe ukikaia aghadi ya wandu.

1 SAMUELI 4:11

Sanduku ya Mlungu ikawadwa, na wana wa Eli wawi, Hofni na Finehasi wikabwaghwa.

1 SAMUELI 4:4

Niko wikaduma wandu kufuma aho, wikaireda kufuma Shilo Sanduku ya Ilaghano ja BWANA wa majeshi, uo ukaiagha ghadi na ghadi ya fwana ra makerubi ghighorue mawawa aighu ya iyo Sanduku; wana wawi wa Eli, Hofni na Finehasi, wikaireda iyo Sanduku.

1 SAMUELI 3:13

seji neremzerieghe kukaia, nichairedia nyumba yake ikabo ja kala na kala kwa wundu ghwa ugho wuwiwi ughumanyire; kwa kukaia wana wake werekoghe wikimsholia Mlungu, nao nderewikanieghe anduangi.

1 SAMUELI 2:34

Na alama ekuwonyera wuloli ghwa maza iri ni ihi: wana wako wawi, Hofni na Finehasi, wichafwa wose kwa ituku jimweri.

KUFUMA 23:17

Kula mwaka, kwa iri ndima idadu, wandu wako wa womi wichacha kunitasa Ini BWANA Mlungu.

WATANYI 21:19

Niko wikaghamba, “Zighanenyi deko na ndima ya BWANA ya kula mwaka aja Shilo, kuko cha magharibi ya Betheli, mashariki ya ija chia mbaa ijokagha kufuma Betheli hata Shekemu cha kusinyi ya Lebona.”

1 SAMUELI 2:19

Mae ukakaia ukimdungia ijoho itini, na kumredia kula mwaka ingelo werejokanyagha na mumi wake kufunya kizongona cha kula mwaka.

1 SAMUELI 14:3

aghadi yawo, orekoghe mwana wa Ahitubu mruna Ikabodi mwana wa Finehasi, wawae Eli uo orekoghe mkohani wa BWANA aja Shilo; nao orekoghe ukirwa naivera. Wandu ndeweremanyireghe wei Jonathani waghenda.