1 SAMUELI 1:1 - Biblia Ilagho Jiboie Kwa Wandu Wose

¹ Korekoghe na mndumu uwangwaghwa Elkana, wa kichuku cha Efraimu, mundu wa isanga ja mighondinyi ja Efraimu, orekoghe ukikaia muzi ghwa Rama; nao ni mwana wa Jerohamu wawae Elihu mwana wa Tohu wawae Zufu.

1 SAMUELI 1:1 Referans Kwoze

1 MALAGHO GHA NGELO 6:34

Kivalwa chake chikakaia Elkana na Jerohamu, na Elieli, na Toa,

1 SAMUELI 1:19

Ituku ja kawi, Elkana na wandu wake wikawuka kokesho kio, wikamtasa BWANA na kuwuya cha mzinyi kwawo Rama. Nao ukammanya mkake Hana, na BWANA ukakumbuka malombi gha uo muka;

RUTHU 1:2

Irina ja uo mundu orewangwagha Elimeleki, na irina ja mkwake orewangwagha Naomi; marina gha wana wake ni Mahaloni na Kilioni, wandu wa kichuku cha Efrata, wa Bethlehemu isanga ja Juda. Wikaghenda isanga ja Moabu, na kukaia aho.

1 SAMUELI 17:12

Daudi orekoghe mwana wa Jese, Muefrate umu wa Bethlehemu isanga ja Juda; mundu uo orekoghe na wana wa womi wunyanya, na ngelo Sauli uko mzuri, Jese orekoghe waghosia nandighi umanyikie wandunyi.

1 SAMUELI 9:5

Hata iji wavika isanga ja Sufu, Sauli ukamzera uo mdumiki wake werekwanyeghe, “Nndoko diwuye, aba usechesigha kuririkanya maza ra weke punda, na kuwoka kudiririkanya isi.”

WATANYI 19:1

Matuku agho, iji kuserekoghe na mzuri ungi Israeli, Mlawi umu orekoghe ukimara-mara kiwughenyi aighu ya isanga ja mighondinyi ja Efraimu, nao orewusireghe muka okanya kufuma Bethlehemu ya Juda.

WATANYI 17:1

Korekoghe na mndumu wa isanga ja mighondinyi ya Efraimu, uwangwagha Mika.

MATHAYO 27:57

Nao luma lwa kenyi, mundu umu uko na mali uwangwagha Josefu ukacha kufuma Arimatea; nao wori orekoghe mnughi wa Jesu.

WATANYI 12:5

Nao Wagileadi wikaviwada viruwuko va Jordani kuwitangala Waefraimu, eri mtoro ungi ufumagha Efraimu ukakunda kuruwuka, wandu wa Gileadi wipate kumkotia, “Oho ko Muefraimu?” nao ukatumbulia “Hata,”

JOSHUA 24:33

Eleazari mwana wa Haruni ukafwa. Wikamrika aho Gibea, muzi ghwa isanga ijo jerenekeloghe mwana wake Finehasi.

1 WAZURI 11:26

Mndumu ughalukie na kuwuya m'maiza wa Solomoni orekoghe umu wa wabaa wake moni, Jeroboamu mwana wa Nebati Muefraimu wa Sereda; mae orewangwagha Serua nao orekoghe muka ufulo ni mumi wake.

RUTHU 4:22

Obedi ukamva Jese, na Jese ukamva Daudi.

1 SAMUELI 2:11

Niko Elkana ukawuya cha mzinyi kwake Rama, na uja mwana Samueli ukasighwa ukimdumikia BWANA aisi ya mkohani Eli.

1 SAMUELI 7:17

Konyuma orekoghe ukiwuya Rama, angu niko muzi ghwake ghokaia ghorekoghe; na aho wokoni ukakaia ukiwitanya Waisraeli, ukamuaghia BWANA madhabahu aho.

1 MALAGHO GHA NGELO 6:22

Kivalwa cha Kohathi cherenughaneghe huwu: Aminadabu, Kora, Asiri,

1 MALAGHO GHA NGELO 6:33

Wandu awo na wana wawo niwo awa: Kivalwa cha Kohathi: Hemani mwana wa Joeli kilongozi wa kwaya ya imbiri, wawae Samueli.

WATANYI 4:5

Orekoghe ukisea kidombo aisi ya mtende ghwake ghadi na ghadi ya Rama na Betheli andenyi ya isanga ja mghondinyi ja Efraimu; na wandu wa Israeli wikakaia wikicha upate kuwitanya.

1 SAMUELI 9:4

Nao wikaida wikiwilola isanga jose ja mighondinyi ja Efraimu, wikaida isanga ja Shalisha, ela ndewerewiwonieghe. Wikaida isanga ja Shaalimu wikiwilola, ela ndewerekoghe aho anduangi. Niko wikajiida isanga ja Benjamini ela ndewerewiwonieghe.

1 MALAGHO GHA NGELO 6:12

Zadoku, Shalumu,