1 JOHANE 1:3 - Biblia Ilagho Jiboie Kwa Wandu Wose

³ Ijo Ilagho dijiwonie na kujisikira, damchilia inyo wori, eri mpate kukaia na wungara nesi. Na wungara ghodu, ni andwamweri na uja Aba, na Mwana wake Jesu Kristo.

1 JOHANE 1:3 Referans Kwoze

1 WAKORINTHO 1:9

Mlungu ni mloli, uo oremmbangieghe mungie andenyi ya wungara ghwa Mwana wake Jesu Kristo Bwana odu.

JOHANE 17:3

Najo irangi ja kala na kala nijo iji: wikumanye oho Mlungu wa loli kuekeri, na Jesu Kristo uo koremdumieghe.

MABONYO GHA WADUMI 4:20

ela isi ndedichaaleka kughora malagho dighiwonie na kughisikira anduangi.”

JOHANE 17:21

Aba, nalomba angu wose wikaie kindo chimweri andenyi kodu; seji oho Aba kuko andenyi kwapo, na ini andenyi kwako. Nawo wikaie kindo chimweri, wurumwengu ghupate kurumiria angu ni oho korenidumieghe.

WAFILIPI 2:1

Kwa huwo, ikakaia koko kuhoreshwa ngolo kungi andenyi ya Kristo, ikakaia iko ngolo ingi ya lukundo, ikakaia ghoko wungara ghungi ghwa Roho, ikakaia koko kurirana kungi kwa lukundo na wughoma;

2 WAKORINTHO 13:14

Mvono ghwa Bwana Jesu Kristo, na lukundo lwa Mlungu, na wungara ghwa Roho Mweli, vikaie na inyo mmbose.

1 JOHANE 1:7

Ela dikaghenda na mwengere, sa iji koni uo uko mwengerenyi, dichakaia na wungara diweni na diweni, na bagha ya Jesu Mwana wake, iadioghoshagha kaung'a rose.

1 JOHANE 1:1

Agho malagho gherekoghe kufuma kuzoenyi, agho dereghisikireghe, agho dereghiwonieghe na meso ghedu, agho dereghizighanireghe na kughiadada na mikonu yedu; gha ijo Ilagho ja Irangi.

WAEBRANIA 3:14

Angu deko wangara wa Kristo, ikakaia damazira hata kutua kuja kurumiria kodu kwa imbiri, ingelo ighorwagha,

WAFILIPI 3:10

niwonemmanya uo, nandighi ya kuruka kwake, nikaie mngara wa matiriro ghake, na kufwanana nao kwa kufwa kwake;

1 PETRO 5:1

Kwa wundu ugho, nawivoya waghosi wiko aghadi konyu, ini moni niko mghosi sa awo weni, na mshahidi wa matiriro gha Kristo, na mngara wa ghuja wubaa ghuchaafunukulwa.

WAEBRANIA 3:1

Kwa huwu wanidu waeli, wangara wa uko kuwangwa kwa mlungunyi, mririkanyenyi Jesu, uo mdumi na Mkohani M'baa wa kurumiria kodu.

WAKOLOSAI 1:13

Nao wadikirie kufuma kwa iro ndighi ra kira, ukadibarisha na kudingira andenyi ya wuzuri ghwa Mwana wake mkundwa;

MABONYO GHA WADUMI 20:27

angu na jingi sereleghieghe kummbonyera njama yose ya Mlungu.

1 JOHANE 1:5

Agha nigho malagho dereghisikireghe kufuma kwa Mwana wake; nesi damchilia inyo kukaia, Mlungu ni mwengere, na andenyi kwake ndekuwadie kira chingi anduangi.

WAEBRANIA 2:12

ukighamba, “Nichawichilia wanidu irina jako, na aghadi ya izungu, nichakukasa.”

1 TIMOTHEO 6:2

Awo wazumba wiko na weke bwana wirumiriagha, wisakewisowia ishima angu wei wiko wanidu. Wulalo ghwaro suti widumike nicha kuchumba, kwa kukaia awa wipatagha fwaida kwa wudumiki ghwawo ni warumirii na wakundwa. Kurifundishe na kushashira maza iri.

WAFILIPI 1:7

Ni hachi ini kumririkanyira huwo inyo mmbose, kwa kukaia moko ngolonyi kwapo. Angu inyo mmbose moko wangara wa mvono andwamweri nani kwa kufungwa kwapo, na kwa kujidederia na kujimangisha ijo Ilagho Jiboie.

WAEFESO 3:6

kukaia, wandu wa mbari zima wapatire kuwuya wandu wa ifwa, via va ghuja mumbi ghumweri, na wangara wa ijo ilaghiro Mlungu orejibonyereghe andenyi ya Kristo Jesu kwa chia ya Ilagho Jiboie.

1 WAKORINTHO 1:30

Mlungu nuo asili ya irangi jenyu andenyi ya Kristo Jesu; nao nuo um'bonyere Kristo Jesu ukaie hikima edu, hachi edu, kueleshwa kodu, na wukomboli ghodu.

1 WATHESALONIKE 1:10

na kummbesera Mwana wake kufuma mlungunyi uo oremrukishireghe kufuma kwa wafu; uo Jesu udikiragha na agho machu gha Mlungu ghichagha.

1 WAKORINTHO 15:1

Idana wanidu, nakunde kumkumbusa seji neremchilieghe ijo Ilagho Jiboie, najo nijo morejiwusireghe; nenyo mkajimazira nicha;

WAROMA 15:27

Werefunyireghe kwa kuboilwa, ela kwa loli erewifwanieghe wibonye huwo; angu ngera wandu wa mbari zima wawaghane na waeli marasimio gha kiroho, yawifwana wandu wa mbari zima nawo weni wiwidumikie waeli kwa marasimio gha kimumbi.

MABONYO GHA WADUMI 13:41

‘Zighanenyi inyo mmenyagha, mshinike, mtote; angu nabonya ilagho konyu ijo na jingi msechaajirumiria hata ngera mundu wamghoria.’”

MABONYO GHA WADUMI 13:32

Nesi damredia Ilagho Jiboie, kukaia, ijo Mlungu orewilaghirieghe weke aba,

MABONYO GHA WADUMI 2:42

Wikafunga ndighi kughiwadia mafundisho gha wadumi, na kukaia na wungara, chiaimweri na kughuchikanya mkate, na kulomba Mlungu.

JOHANE 17:25

Ee Aba wa hachi, wurumwengu ndeghukuichi oho, ela ini nakuichi, na awa waichi angu ni oho korenidumieghe.

JOHANE 17:11

Idana niacha kwako, siko sena wurumwengunyi; ela awo weko wurumwengunyi. Aba Mweli, wilindie kwa irina jako ijo koreninekieghe, wipate kukaia kindo chimweri sa iji isi diko umweri.

ZABURI 22:22

Nichawighoria wanidu malagho kubonyere, na kukukasa andenyi ya ikwanyiko.

ISAYA 66:19

na kumanya angu ni ini niwikabie. Kufuma kwa wandu wamu wawo wichaavuvuka, nichawiduma kwa iro mbari ra wandu: Tarshishi, Putu, na Ludi, awo witumiagha ndana, na kwa Tubali, na Javani, na kwa masanga gha pwani ghiko kula, awo wiseisikire nguma yapo angu kughuwona wubaa ghwapo; nawo wichaghenda na kughuchila wubaa ghwapo kwa iro mbari ra wandu.

ZABURI 2:7

Mzuri waghamba, “Nichaeresha agho BWANA ughorie. Wanizerie huwu, ‘Oho ko mwana wapo, nakuva idime.

JOHANE 19:35

Uhu uwonie maza iri ni mshahidi, na wushuhuda ghwake ni ghwa loli, sena wamanya wori uaghora loli, eri inyo mpate kurumiria.

2 PETRO 1:16

Angu ndederenughieghe chughano ridungilo kwa wuya, iji deremmanyishireghe iro ndighi na kucha kwake Bwana odu Jesu Kristo, ela dereghuwonieghe wubaa ghwake na meso ghedu isi diweni.

MITALO 10:32

Kukaghendanya nesi, dichakubonyera mecha ghose BWANA uchaadibonyera.”

AYUBU 13:1

Agha ghose namerie kughiwona; naghisikire kwa madu ghapo ghikanitambukia.