Юнус 1:7 - Гирами Китаб

⁷ Хъа гимичйири сари-сариз гъапну: – Гъачай, му кьаза ухьʼина фуж себеб вуди гъафнуш, аьгъю апӀуз, тупут ипурхьа. Тупут ипнийи – ва Юнусдиин алабхъу.

Юнус 1:7 Referans Kwoze

Насигьятар 16:33

Тупут ипри шулу, уву фициб адабгъиш думу РАББИЙИХЬАН ву.

Ляхнар 13:19

Хъасин Ханаан вилаятдиъ ургуб халкь тӀанкь дапӀну, Дугъу израиллуйириз гьадрарин жил ирс вуди тувну.

Матта 27:35

Иса дариз гъизигхъан, эскрари, тупут ипри, Дугъан палтар чпин арайиъ пай гъапӀу.

Коринф-1 4:5

Гьаддиз, Агъа хъадакну гъюру вахт шайизра, улихьмиди тахсрар агури мюхъюгъянай. Дугъу вари жиниб ачухъ апӀиди, инсанарин юкӀвариъ гьитӀибкӀнайиб арайиз адабгъиди ва гьадмуган Дугъу гьардин тяриф апӀиди.

Эстер 3:7

Ахашʼверуш паччагь духьну йицӀикьюд кӀуру йисандин сабпи ваз нисан улубкьнийи. Гьадму вазли, чан кьаст кӀулиз адабгъуз фуну ваз ва йигъ дюз гъюруш, Амандин амриинди тпут (пурим) ипнийи. Тпутну йицӀикьюбпи адар вазлин йицӀишубудпи йигъ улупну.