Юнус 1:6 - Гирами Китаб

⁶ Юнусдихьна гимийин аьхюр гъафну ва гъапну: – Уву гьаз даахнава? Гъудужв, увура яв аллагьдиз ккараг; белки, дугъан ухьу кӀваин шул, ва ухьу чӀивиди гъузур.

Юнус 1:6 Referans Kwoze

Юнус 3:9

Шлиз аьгъя, белки, Аллагьди чан кьаст дигиш апӀур ва чан убхьурайи хъял ухьʼина гъюз гъидритур ва ухьу чӀивиди гъузур».

Паччагьлугъар-2 12:22

Дугъу жаваб тувнийи: – БицӀир чӀивиди имиди, узу ушвар дисуйза ва ишуйза. Узу фикир апӀуйза: «Шлиз аьгъя? Белки, РАББИ узухьна рягьимлу шул, ва бицӀир чӀивиди гъузур».

Эфес 5:14

Вари рябкъюри апӀруб акв ву, гьаддиз гьамци кӀурира а: «Даахнайир, хъирг! ДукӀнайир, гъудужв! Месигьди уву аквнакк ккаъди».

Ляхнар 21:13

Гьадмуган Павели жаваб тувру: – Учву гьапӀрачва? Гьаз, ишури, йиз юкӀв дар апӀурачва? Узу, йитӀуб гъубзри, хъа гьацира Агъа Исайин ччвурнахъ Ерусалимдиъ йикӀузра гьязур вуза.

Эстер 4:16

«Гъарах, Сузыйиъ айи вари жугьтар уч апӀин ва узу бадали ушвар дисай – шубуд йигъан ва шубуд йишван мипӀанай ва мубхъанай. Узура йиз гъаравашарихъди ушвар дисурза, хъасин, къанунди къадагъа апӀурашра, паччагьдихьна гъягъюрза. Эгер узу гъакӀиш – йикӀиди».

Рим агьларихьна вуйи кагъаз 13:11

Гьаму вахт фициб вуш, аьгъяди, гьаци апӀури гъузай. Сарун учву нивкӀʼан хъиргру вахт дуфна, фицики ухьу уьрхру вахт, ихь сифте хъугъу йигъак гъилигган, гьамус багахь дубхьна.

Юнус 3:8

ва ирин палат али инсанарина мал-гъарайи, Аллагьдиз ижмиди ккарагри. Гъит гьарсар кас писвал апӀбан ва инсафсузвалин рякъхъан хъадакри.