Юнус 1:5 - Гирами Китаб

⁵ Гимичйириз гучӀ гъабхьи, гьарсар чан аллагьдиз ккарагуз ва, гими пчӀу хьпан бадали, дидиъ айи шейʼар гьюлиз гатӀахьуз хъюгъю; хъа Юнус кӀуруш, гимийин сабуну хулаз ктучӀвну, дахъну, дерин нивкӀуз гъушнийи.

Юнус 1:5 Referans Kwoze

Паччагьлугъар-3 18:26

Дурари чпихьна туву йиц гъибиснийи ва думу гьязур гъапӀнийи. Дурар Баалин ччвурнахъ гвачӀниантӀан лисуз ккарагнийи. – Баал, учуз жаваб тув! – чӀигъар апӀуйи дурари. Амма сес-дикӀ адайи, сарира жаваб тувурдайи. Дурар, чпи гьязур гъапӀу гъурбан апӀрушвхъан хълицури, ергуйи.

Паччагьлугъар-1 24:3

Саули шубуд агъзур ужударсдар эскрар-израилар уч гъапӀу ва ЧӀурдин ЦӀигьарин Гъарзарихъна, Давуд ва дугъан адмийир агбан бадали, рякъюъ учӀву.

Ляхнар 27:38

Варидари тухъ хьайиз дипӀну, учу, тахил гьюлиъ абхьри, гими артухъ вуйи гъагънахьан азад апӀуз хъюгъча.

Матта 26:45

Хъасин ученикарихьна дуфну, дурариз кӀуру: – Гьамусра даахну имичва, рягьятвал гъадабгъуранчва? Инсаниятдин Бай гунагькрарин хилиз тувру вахт магьа сарун хъубкьна.

Матта 26:43

Кьяляхъ гъафириз, дурар хъана даахну рякъюру. Дурарин улар гъагъи духьнайи.

Матта 25:5

Жамру кьан апӀуради хьпаз лигну, дурар вари нивкӀуз гъягъюру.

Юнус 1:16

Дурариз РАББИЙИХЬАН аьхю гучӀ гъабхьну, дурари РАББИЙИЗ гъурбанар гъапӀну ва хъана апӀуз гаф тувну.

Юнус 1:14

Мици шули гъябкъган, дурар РАББИЙИХЬИНДИ илтӀикӀну: – Увуз миннат, РАББИ! Гьаму касдин кӀуллантина учура йихуз мигъитан! Учу тахсир ктру му кас гъакӀиш, учуз жаза мутувана. Уву, РАББИ, Увуз ккуниб апӀрур вува.

Юнус 1:6

Юнусдихьна гимийин аьхюр гъафну ва гъапну: – Уву гьаз даахнава? Гъудужв, увура яв аллагьдиз ккараг; белки, дугъан ухьу кӀваин шул, ва ухьу чӀивиди гъузур.