Юнус 1:14 - Гирами Китаб

¹⁴ Мици шули гъябкъган, дурар РАББИЙИХЬИНДИ илтӀикӀну: – Увуз миннат, РАББИ! Гьаму касдин кӀуллантина учура йихуз мигъитан! Учу тахсир ктру му кас гъакӀиш, учуз жаза мутувана. Уву, РАББИ, Увуз ккуниб апӀрур вува.

Юнус 1:14 Referans Kwoze

Эфес 1:11

Гьадгъахъди саб гъахьиган, Аллагьди Чан вари хушниинди ва ниятниинди улихьмиди апӀурайи ниятнаъ айиси, учу ктагъну.

Матта 11:26

Ав, Адаш, Увуз думу Яв ужувлан ният гьаци дубхьну ккундувуз.

Юнус 1:16

Дурариз РАББИЙИХЬАН аьхю гучӀ гъабхьну, дурари РАББИЙИЗ гъурбанар гъапӀну ва хъана апӀуз гаф тувну.

Юнус 1:5

Гимичйириз гучӀ гъабхьи, гьарсар чан аллагьдиз ккарагуз ва, гими пчӀу хьпан бадали, дидиъ айи шейʼар гьюлиз гатӀахьуз хъюгъю; хъа Юнус кӀуруш, гимийин сабуну хулаз ктучӀвну, дахъну, дерин нивкӀуз гъушнийи.

Эфес 1:9

Дугъу ухьуз Чан хушниинди Чан ниятнан сир ачухъ гъапӀну. Думу ният Месигьдиланмина арайиз хуз ккайиб вуйи.

Ляхнар 28:4

Дугъан хиликк ккебхнайи битӀ дябкъну, душван агьалйири чпин арайиъ гьамци гъапнийи: – Гьаму кас, саб шакра адарди, адми гъачӀир ву, фицики думу гьюлиъ талаф гъахьундаршра, Аллагьдин судди думу чӀивиди гъитрадар.

Эвел 9:6

Шли адмийин ифи удубзиш, гъит гъадгъан ифира жарари удубзри, фицики адми Заануриз ухшар вуди дапӀнайир ву.

Юнус 1:13

Хъа гимичйири кӀуруш, къураматдиина ухди хъуркьбан бадали, гими хъапӀру кьасйирин гьяракат шлубкьан артухъ апӀурайи, амма зегьметар дав вуйи – дици апӀбахъ, гьюлин тӀурфан, аьксина вуди, гужал шуйи.

Юнус 3:8

ва ирин палат али инсанарина мал-гъарайи, Аллагьдиз ижмиди ккарагри. Гъит гьарсар кас писвал апӀбан ва инсафсузвалин рякъхъан хъадакри.