5 Сабан Узу дюнʼяйиъ имиди, Узу дюнʼяйиз акв вуза.
Кьандиси халкьдихъди Иса хъана улхуру: – Узу му дюнʼяйиз акв вуза. Фуж Узухъди гъахьиш, дицир мучӀушнаъ улдугну хьидар, дицирихъди уьмрин акв хьибди.
Узу акв вуза ва Узухъ хъугъру гьарсар мучӀушнаъ гъудрузбан бадали дюнʼяйиз дуфназа.
Агъайи гьамци табшурмиш гъапӀунчуз: «Уву вари дюнʼя уьбхбан бадали, Узу Увкан жара миллетариз чирагъ гъапӀунза».
Вари рябкъюри апӀруб акв ву, гьаддиз гьамци кӀурира а: «Даахнайир, хъирг! ДукӀнайир, гъудужв! Месигьди уву аквнакк ккаъди».
Уву дурарин улар арццну, дурар мучӀушнахьан аквнахьна, иблисдин гьюкмиккан Аллагьдихьна хидива. Дурарихьан гьамци чпин гунгьарилан хил алдабгъувал ва Узухъ хъугъбиинди Аллагьдин терефназ гъафидарин арайиъ чпиз йишв гъазанмиш апӀуз хьибди».
Шагьур аку апӀуз я ригъдин, я вазлин акв лазим дайи, гьаз гъапиш шагьур Аллагьдин аднахьди аку дубхьнайи, ва Ччил – дидиз акв Туврур вуйи.
Мушваъ мучӀувалиъ айи халкьдиз зурба акувал гъябкъну ва аьжалин сирникк ккайидариз нур удубчӀвну!»
Месигь йикӀиди ва гъийихдарикан сарпирди, гъачӀихъан, чӀиви хьиди, ва Дугъу гьам жугьдариз, гьамсана жара халкьариз акв хибди.
Учву дюнʼяйин акв вучва. Дагъдиин али шагьур дярябкъди гъубзидар.
