Югьан 9:4 - Гирами Китаб

⁴ Сабан йигъ имиди ухьу Гьадгъан, Узу Гьаурин ляхнар дапӀну ккунду. Гьамус йишв хьибди, гьадмуган сарихьанра лихуз хьибдар.

Югьан 9:4 Referans Kwoze

Югьан 12:35

Исайи дурариз кӀуру: – СацӀиб вахтнаътӀан акв учвухъди гъубзидар. Гьаци вуйиган, Учву мучӀушну ккадраъбан бадали, сабан акуди имиди, гъарахай. Фицики фуж мучӀушнаъди гъяраш, гьацириз учв наанди илтӀикӀнашра, аьгъдар.

Эфес 5:16

Жвуван вахт ужуйи гьапӀуз ял апӀинай, гьаз гъапиш му йигъариъ гизаф писвал а.

Югьан 4:34

Исайи дурариз кӀуру: – Йиз хураг Узу Гьаурин ният тамам апӀуб ва Дугъан ляхин ккудубкӀуб вуйиз.

Галат 6:10

Магьа гьаддиз, вахт имиди, варидариз ужʼвал апӀидихьа, иллагьки, хъугъувалиъ саб хизан гъашидариз.

Югьан 17:4

Узуз Уву табшурмиш гъапӀу ляхин тамам дапӀну, Узу Уву жилиин адлу гъапӀунзаву.

Колосс 4:5

Жарадарихъди фагьумлуди гъузай, гьубкьу жюрейин мумкинвал ишлетмиш апӀинай.

Югьан 5:36

Амма Узуз, Йиз гьякьнаан Ягьʼяйи гъапивалтӀан хъанара мюгькам шагьидвал азуз, фицики, Адашди Узуз апӀин дупну, Узу апӀурайи ляхнари, Узу Адашди гьаур вуйиб тасдикь апӀура.

Югьан 10:32

– Йиз Адашдихьан Узу учвуз гизаф ужудар ляхнар улупунзачвуз, – гъапи Исайи. – Гьадрарикан фунубдин гьякьнаан Узуз йивуз ккунди ачвуз?

Югьан 10:37

Эгер Узу Йиз Адашди апӀурайи ляхнар апӀурадарш, гьадмуган Узухъ мухъугъанай!

Ляхнар 4:20

Учхьан учуз гъябкъюбдиканна гъеебхьубдикан дарпиди гъитуз шулдарчухьан.

Югьан 5:19

Исайи дурариз кӀуруки: – Гьякьлу вуйи гьякь кӀуразачвуз: сабан Чан Адашди гьапӀраш дярябкъкьан гагьди, Балхьан Чан-Чаинди фукӀара апӀуз шулдар. Адашди гьапӀраш, Балира гьадму апӀура.

Югьан 7:33

Гьадму вахтна Исайи халкьдиз кӀурайи: – СацӀибсана Узу учвухъди гъуздиза, хъасин Узу мина Гьаурихьна хътакидиза.

Матта 20:7

Дурари дугъаз кӀуру: – Учу сарира лихуз гъидисундарчу. Думуган дугъу дурариз кӀуру: – Учвура йиз тӀумтӀин багъдиз гъарахай.

Марк 3:3

Дугъу хил дебццнайи касдиз кӀуру: – Варидарин улихь дийигъ.