Югьан 9:16 - Гирами Китаб

¹⁶ – Думу Адми Аллагьдихьан хьуз мумкин дар, гьаз гъапиш Дугъу султ йигъандин аьдат уьбхюрадар, – кӀури, гьадмуган аьрз гъапӀу фарисйирикан садари. – Гунагькар касдихьан мицдар аьламатар апӀуз шулинхъа? – кӀуйи тмундари. Ва гьамци, фарисйирин арайиъ гьюжат абхъру.

Югьан 9:16 Referans Kwoze

Югьан 10:19

Хъана гьаму гафари жугьдарин арайиъ гьюжатар ирчру.

Югьан 7:43

Гьамци Исайин гьякьнаан халкьдин арайиъ гьюжат абхънийи.

Югьан 7:12

Дугъкан халкьдин арайиъ гизаф гьюжатар ахьнайи: садари, Думу ужур ву, хъа тмундари, Дугъу халкь алдатмиш апӀура, кӀуйи.

Югьан 3:2

Йишвну Исайихьна дуфну, дугъу кӀуру: – Мялим! Учуз уву Аллагьдихьан дуфнайи Мялим вуйиб аьгъячуз, фицики Уву апӀрусдар аьламатар, эгер Аллагь Увухъди хътайиш, сарихьанра апӀуз даршлийи.

Матта 12:2

Му гъябкъю фарисйири Исайиз гъапи: – Магьа Яв ученикари султ йигъан Къанунди гъадагъа дапӀнайи ляхин апӀура.

Югьан 15:24

Эгер сарихьанра апӀуз даршлу ляхнар Узу гъапӀундайиш, гьадмуган дурар тахсиркрар хьидайи. Хъа гьамус дурариз Узу гъапӀдар вари гъяркъну, ва гьаци вушра дурариз Узура, Йиз Адашра даккунди ву.

Югьан 14:11

Узухъ хъугъай: Узу – Адашдиъ, ва Йиз Адаш Узуъ а. Узухъ хъугъдарш, Узу апӀурайи ляхнарихъкьана хъугъай.

Югьан 9:24

Ва магьа кьюбпи ражарира, кур вуди гъаши адмийиз дих дапӀну, дугъаз кӀуру: – ГьякьтӀан пидарза дупну, ху апӀин! Учуз аьгъячуз Гьадму Кас гунагькар вуйиб.

Югьан 6:52

Гьадмуган жугьдари: – Дугъхьан ухьуз ипӀуз Чан беден фици тувуз хьибди?! – кӀуйи, ва дурарин арайиъ яман гьюжат абхъру.

Югьан 5:36

Амма Узуз, Йиз гьякьнаан Ягьʼяйи гъапивалтӀан хъанара мюгькам шагьидвал азуз, фицики, Адашди Узуз апӀин дупну, Узу апӀурайи ляхнари, Узу Адашди гьаур вуйиб тасдикь апӀура.

Ляхнар 14:4

Шагьрин агьалйир кьюб дестейиз пай гъахьнийи: садар жугьдарихъанди, тмундар Исайин вакиларихъанди.

Матта 12:10

Душваъ хил деебццнайи сар кас айи. Исайик саб тахсир кипбан бадали, маллйири Дугъхьан гьерхру: – Мусайин Къанундиинди султ йигъан иццурайир сагъ апӀуз хай шулин?

Лука 13:14

Мистан аьхюри гьадмуган, Исайи султ йигъан адми сагъ гъапӀну кӀури, хъял кубчӀвну, халкьдиз кӀуру: – Му ляхин апӀуз йирхьуд йигъ а, гьаддиз сагъ апӀбан бадали султ йигъан ваъ, хъа миди вуйи йирхьуд йигъари гъачай.

Югьан 2:11

Му Исайи Галилей уьлкейиъ айи Канайиъ улупу аьламатарикан сабпи аьламат вуйи. Гьамдиинди Дугъу Чан зурбавал улупнийи ва Дугъан ученикар Дугъахъ хъугънийи.

Югьан 5:10

Гьаддиз жугьдарин гьюкумдрари сагъ гъаши касдиз кӀуру: – Гъи султ йигъ ву, гьаддиз Къанундиинди ахин гъабхуз ихтияр адар!

Югьан 7:23

Мусайин Къанун дючӀрюбгъбан бадали, учву султ йигъанра адмийин суннат апӀураш, Узу султ йигъан адми сагъ гъапӀну кӀури, Узʼин хъял гьаз иливначва?