Югьан 8:59 - Гирами Китаб

⁵⁹ Гьадмуган дурар, Исайиз йивуз, гъванарихъан хъчӀихуру. Саки Иса гьитӀикӀуру ва гьадрарин кьялгъянтина Аллагьдин хулʼан удучӀвуру.

Югьан 8:59 Referans Kwoze

Югьан 11:8

– Я Мялим! – кӀуру Дугъаз ученикари, – жугьдариз Увʼин гъван уьлюбхну, улихьнаси йикӀуз ккунди айи, хъа Уву хъана дина гъягъюрана?

Ляхнар 7:57

Гьякимдрари чӀигъар апӀури, чпин ибариъ тӀубар урччву. Хъасин дугъʼин алархьу.

Югьан 18:31

– Думу учвухьна гъадагъай ва ичв закондиинди суд апӀинай, – гъапи Пилатди. – Учуз фужкӀара аьжализ тувуз ихтияр адарчуз, – гъапи дурари.

Югьан 12:36

Хъа сабан учвуз аку апӀурамиди, аку аквнахъ хъугъай ва аквнан веледар хьидичва! Гьаму гафар дупну, Иса гъягъюру ва дурарихьан жин шулу.

Югьан 11:54

Гьаддиз Иса жугьдарин арайиъ ашкарди лицури гъахьундар, ва гьадлин Думу, ичӀи чюлин гъирагъдихъ хъайи Ефраим кӀуру шагьриз душну, гьадушваъ Чан ученикарихъди гъузру.

Югьан 5:13

Сагъ духьнайириз, Думу фуж вуш, аьгъдайи, фицики гьадушваъ аьхючӀвеъ халкь ади, Иса гьадраригъ рякъюри имдайи.

Лука 24:31

Гьадмуган дурарин улар ачмиш шулу ва дурариз Думу Иса вуйиб аьгъю шулу, хъа Думу дурарин улариккан дургру.

Эвел 19:11

Хъасин малайикари, чӀат айи жигьил-кьабирин – варидарин уларин акв гьадабгъру, гьаддиз дурар, Лутдин хулазди учӀврушв дибрихъди гъаллаж шулу.

Паччагьлугъар-1 30:6

Давуддиз гизаф гъагъиди алабхънийи: чпин баярихъ ва шубарихъ мягьрум гъахьи эскрариз думу гъвандихь гьитуз ккун дубхьнайи. Амма Давуддиз РАББИЙИЪ, чан Заануриъ, даягъ гъибихъу

Матта 12:14

Душвʼан фарисйири, чӀатинди удучӀвну, Иса фици пуч апӀуруш, йикьрар йитӀуру.

Югьан 9:1

Рякъди гъягъюрайи Исайиз, бабкан гъашихъанмина кур вуйи сар кас рякъюру.