Югьан 8:48 - Гирами Китаб

⁴⁸ – Дюзди кӀура учухь: Уву самариялужви вува ва амрихъан душнайир вува, – гъапи Дугъаз жугьдари.

Югьан 8:48 Referans Kwoze

Югьан 7:20

– Уву амрихъан душнава! – жаваб туву гъварч духьнайидари. – Шлиз Уву йикӀуз ккунди а?

Югьан 8:52

– Магьа учуз гьамус якьинтӀан аьгъю гъабхьунчуз, Уву амрихъан душнайир вуйиб, – жаваб туву дурари. – Ибрагьим гъакӀну, пайгъамбрарра гъийихну. Хъа Уву: «Шли Йиз Гаф чаъ гъюбхиш, аьсрариъ гьацириз аьжал рябкъидар!» кӀурава.

Югьан 10:20

Дурарикан гизафдари кӀуйи: – Думу амрихъан душна ва гьарзади улхура. Дугъахъ гьаз хъпехъурачва?

Югьан 4:9

– Уву, жугьудри узхьан, Самарияйиан вуйирихьан, убхъуз ужуб фици ча кӀурава? – гьерху Дугъхьан жаваб вуди дишагьлийи. Фицики жугьдар самариялуйирихъди албагну адайи.

Матта 15:7

Эй кьюб маш гъяйидар! Ишая пайгъамбри ичв гьякьнаан хуб ужуди дупна:

Матта 12:24

Хъа мидкан деебхьну, фарисйири кӀуру: – Дугъу жинар жараси ваъ, хъа жинарин аьхюр вуйи Велзевулин кьувватниинди ктаура.

Матта 10:25

Ученик – чан мялимсир, хъа гъуллугъчи чан агъасир гъахьиш, рази духьну ккун.

Матта 10:5

Гьаму йицӀикьюр кас Исайи, гьамциб насигьят тувну, гьаъру: – Жугьдар дарудар яшамиш шулайи йишвариз мягъянай ва Самарияйин саб шагьриъкьан муучӀванай;

Якьубдин 2:19

Уву Аллагь сар вуйивалихъ хъугърана? Ужуйи апӀурава! Гьеле жинарра хъугъра ва гукӀунди йихура.

Рим агьларихьна вуйи кагъаз 15:3

Гьеле Месигьдира Чан хайирназ фукӀа гъапӀундар. Хъа Гирами китабариъ дупна: «Уву беябур апӀрударин люкьнар Узʼин алахьнийи».

Югьан 13:13

Учву Узуз «Агъа», «Мялим» кӀуручва ва гьякьди кӀурира ачва, гьаз гъапиш Узу якьинди гьадму хьузра вуза.

Жугьдариз 13:13

Гьаддиз гъачай ухьура, Гьадму ккахъу беябурвал ухьура пай апӀруси, Дугъахьна шагьрин урнарин чӀатинди удучӀвидихьа.

Матта 12:31

Гьаддиз кӀуразачвуз: адмийирин гьарсаб гунгьилан ва Аллагьдиз къаршу гафналан хил алдабгъиди, хъа Гирами Рюгьназ къаршу гафналан хил алдабгъидар.

Матта 11:18

Ягьʼя гъафну, дугъу ипӀурдайи ва убхъурдайи, дурари дугъаз «Дугъаъ жин а» кӀуйи.

Югьан 1:19

Магьа Ягьʼяйин шагьидвал. Жугьдари Ягьʼяйихьан, уву фуж вува, кӀури, гьерхуз Ерусалимдиан чпин маллйир ва левитар гьаиган,

Югьан 8:22

– «Узу гъушушваз учвхьан гъюз хьибдар», – гъапиган, Мугъан фу кӀуру гаф вуйкӀан? – кӀурайи жугьдари чиб-чпигъ. – Дугъаз Учв йикӀуз ккундайкӀан дарш?