Югьан 8:42 - Гирами Китаб

⁴² Исайи дурариз жаваб туву: – Эгер ичв адаш Аллагь вуйиш, учвуз Узу ккунди хьидийчвуз, фицики Узу Аллагьдихьан гъафир вуза ва Гьадгъахьна гъягъюраза. Узу Узхьан дуфнадарзаки – Гьадгъу Узу гьаъну.

Югьан 8:42 Referans Kwoze

Югьан 12:49

Фицики Узу Йиз Узхьан гъапиб дариз – му Узу гьау Адашдин, Узуз вуйи амур ву, фу кӀуруш ва фици кӀуруш.

Югьан 14:10

– Узу Адашдиъ, Адаш Узуъ айибдихъ уву хъугърадарна? Узу учвуз кӀурайи гафар Узхьан кӀурайидар дариз, хъа дурар кӀурайир Узуъ айи Адаш ву, Чан ляхнар апӀурайи.

Югьан 17:8

Уву Узухьди гьау гафар, Узу дурарихьна тувунза ва дурар дурари кьабул гъапӀну. Узу Увхьан дуфнайивалин дурар якьинтӀан гъавриъ ахъну ва Уву Узу гьаувалихъ хъугъну.

Югьан 17:25

Эй гьякьлу вуйи Йиз Адаш! Дюнʼяйи Уву аьгъю гъапӀундар, Узуз Уву аьгъязуз, хъасин Узу Уву гьауб дурариз аьгъю гъабхьну.

Югьан 1:14

Гаф Инсандиз илтӀикӀуру ва ухьухъди яшамиш шулу. Ухьуз Дугъан Аллагьвалин зурбавал ва кьувват гъябкъюнхьуз, масанвали ва гьякьвали ацӀнайидар – Дугъаз дурар, Адашдихъ хъайи сар Бай вуди хьпаз гъурукьну.

Югьандин-1 4:14

Му вари учуз гъябкъюнчуз ва Адашди Чан Бай дюнʼя уьбхюз гьаувалин шагьидар гъахьунча.

Югьан 5:43

Узу Йиз Адашдин ччвур бадали учвухьна дуфназа, хъа учву Узу кьабул апӀурадарчва, хъа эгерки сар жара фуж-вуш, чан чаинди чан тярифар апӀури учвухьна гъафиш, кьабулра апӀурчва.

Коринф-1 16:22

Шлиз Агъа ккундарш, гъит бала гъядябхъричаз. Эй, Агъа, гъач!

Югьан 3:17

Аллагъди Чан Бай дюнʼяйиз, дидин диван апӀуз ваъ, хъа Гьадгъулантина дюнʼя дюбхну хьуз гьаъну.

Югьан 5:23

варидари, фици Адашдин гьюрмат уьбхюраш, гьаци Балинна гьюрмат уьбхбан бадали Дугъу вари суд апӀру гьюкум Балихьна тувна. Шли Балин гьюрмат уьбхюрадарш, гьадгъу Думу гьау Адашдинра гьюрмат уьбхюрадар.

Ачмиш 22:1

Хъасин малайикди узуз хрусталси нур туврайи уьмрин штун нир улупзуз. Думу нир Аллагьдинна Ччилан тахтнаккан ккудубчӀвурайи

Галат 4:4

Аммаки Аллагьди, вахт гъабхьиган, Къанундиккди яшамиш шулайи дишагьлийи гъахи Чан Бай гьаъру.

Югьан 8:14

Исайи жаваб тувру: – Эгена Узу Йиз Узкан шагьидвал апӀури удучӀвураш, Йиз гафарихъ хъугъуз хай шулу, фицики Узуз аьгъязуз Узу наънан гъафнуш ва наана гъягъюраш. Хъа учвуз, Узу наънан гъафнуш ва наана гъягъюраш, аьгъдарчвуз.

Югьан 13:3

Хябяхъдин уьл ипӀру вахтна Исайи, Адашди вари Чан хилиъ ивнайиб аьгъяди ва Учв Аллагьдихьан дуфнайиб, Аллагьдихьна хътакурайиб аьгъяди,

Югьан 16:30

Увуз вари аьгъюбдин учу гьамус гъавриъ ахъунча. Увхьан гьерхайизра кмиди Уву жавабар туврава. Магьа гьаддиз Уву Аллагьдихьан дуфнайибдихъ хъугърача.

Югьандин-1 5:20

Ухьуз, Аллагьдин Бай гъафиваликан ва гьякь Аллагь аьгъю хьуз ухьу гъаврикк ккауваликанра аьгъяхьуз. Ухьу гьякь Вуйириъ айибра аьгъяхьуз, фицики ухьу Дугъан Бай – Иса Месигьдиъ ахьа. Думу – гьякь вуйи Аллагь ву. Думу – гьаргандин уьмурра ву.