Югьан 8:39 - Гирами Китаб

³⁹ – Ич адаш – Ибрагьим! – жаваб туву дурари. Исайи дурариз кӀуру: – Эгена учву Ибрагьимдин чан гьякь баяр вуйиш, учву Ибрагьимдиси апӀрийчва.

Югьан 8:39 Referans Kwoze

Галат 3:7

Гьаци вуйиган, гъавриъ ахъай, Ибрагьимдин баяр фужар вуш – хъугърудар ву.

Рим агьларихьна вуйи кагъаз 9:7

Гьеле дурар Ибрагьимдин наслар вушра, сабан, мици хьувалиинди, дурар вари Ибрагьимдин гьякь наслар дар. Фицики, Аллагьди гъапиганси, «Яв гьякь наслар ИсакьдикантӀан хьидар».

Югьан 8:37

Учву Ибрагьимдин тум вуйиб Узуз аьгъязуз, гьаци вушра учвуз Узу йикӀуз ккундачвуз, фицики Йиз Гаф учвуъ убчӀвнадар.

Матта 5:45

Мидʼинди учву Аьршарин ичв Адашдин баяр хьидичва, гьаз гъапиш Дугъу гьам пис касар, гьамсана гъянидар Чан ригъдихъди тямин апӀура ва мархьра гьам гьякьлудариина, гьамсана нягьякь вуйидариина гьапӀра.

Матта 3:9

Ва: „Ич аба Ибрагьим вуйич“ кӀуру гафар учвуз чӀяаьн ву пну, миж микиванай, гьаз гъапиш учвуз кӀуразаки, Аллагьдихьан гьаму гъванариканра Ибрагьимдиз веледар ктауз шулу.

Галат 3:29

Сарун учву Месигьдиндар вуш, Ибрагьимдин наслар вучва ва, гаф тувнайиси, ирс рубкьрудар вучва.

Рим агьларихьна вуйи кагъаз 4:16

Гьаци вуйиган, адмийириз Аллагьдин гаф чпин хъугъувализ дилигну рубкьура. Му Дугъан рягьимлувалин багъиш ву. Гьаддиз думу неинки Къанундиинди яшамиш шулайидариз, хъа гьацира хъугъувалиинди яшамиш шулайи Ибрагьимдин вари наслариз кайиб ву. Хъа Ибрагьим ихь варидарин аба ву.

Рим агьларихьна вуйи кагъаз 4:12

Ибрагьим гьацира суннат дапӀнайидаринра аба ву. Дурари неинки суннат, хъа гьацира, ихь аба Ибрагьимдиси, чан суннат апӀайиз улихьна айи хъугъувалра кьабул дапӀна.

Югьан 8:33

– Учу Ибрагьимдин наслар вуча ва саб вахтнара саризра лукӀар гъашидар дарча! – гъапнийи дурари. – «Азад хьидичва» кӀуруган, гьамдиинди Увуз фу пуз ккунди авуз?

Югьан 8:43

Учву Йиз Гаф кьабул апӀурадарчва?

Югьан 8:56

Ичв аба Ибрагьим Узу дюнʼяйиз гъюру йигъ рябкъидиз пну, шадвали ацӀру. Дугъаз му йигъ гъябкъну ва шадра гъахьну.